«Jeŭraopt» zhortvaje siervis pa dastaŭcy praduktaŭ u Mahilovie, Viciebsku i Breście
Rynak roźničnaha handlu praciahvaje čujna reahavać na situacyju ŭ krainie. 4-6 miesiacaŭ tamu najbujniejšaja handlovaja sietka Biełarusi pašyryła rehijony dastaŭki tavaraŭ. Ale ŭžo ŭ pačatku hetaha hoda było pryniata rašeńnie ab zakryćci «Je-dastaŭki» u šerahu rajcentraŭ, a dniami zasmucilisia žychary Mahilova, Viciebska i Bresta.
Dyrektar internet-hipiermarkieta «Jeŭraopt» Dzianis Maroz raspavioŭ pra pierśpiektyvy biznesu.
— Zakryvajem, tamu što isnujučaja kolkaść zamoŭ była niestabilnaj i niedastatkovaj. My heta źviazvajem ź niapoŭnym asartymientam. Pa ałkahol i cyharety ludzi praciahvajuć chadzić u kramy, adnačasna kuplajučy i košyk praduktaŭ. Kab pasłuha była rentabielnaj, jana pavinna być paŭnavartasnaj, treba handlavać u roŭnych umovach sa zvyčajnaj stacyjanarnaj roźnicaj. U troch abłasnych centrach my prapracavali ad 4 da 6 miesiacaŭ. Niašmat, ale dynamična. Tamu i vyniki ŭbačyli vielmi chutka, — raspavioŭ Dzianis Maroz.
— Siońnia z abłasnych haradoŭ «Je-dastaŭka» zastałasia ŭ Homieli i Hrodnie. Tam situacyja krychu lepšaja, bolš zamoŭ. Ale kali ich ščylnaść budzie padać, razhledzim pytańnie ab zakryćci i ŭ hetych haradach.
Što tyčycca «HipierMoła», to prajekt raźvivaŭsia ŭ asobnym rečyščy — dastaŭka šyrokaha asartymientu pa ŭsioj krainie. «HipierMoł» prapracavaŭ 4 miesiacy. Za hety pieryjad my pierakanalisia, što dla startu patrebnaja paŭnata asartymientu i bolš inviestycyj.
U kampanii ciapier inšyja zadačy: skancentravacca na bazavaj terytoryi Minska i bližejšych rajonach i pavysić efiektyŭnaść pierš za ŭsio tam. Heta jadro biźniesu. Jak tolki ź im usio stanie dobra, my vierniemsia da razhladu takich prajektaŭ, jak «HipierMoł». Uvieś asartymient tavaraŭ, jaki prapanoŭvaŭsia, viernuty pastaŭščykam.
Ajcišnik z EPAM, jaki žyvie ŭ ZŠA, naviedaŭ Biełaruś. Ciapier jamu pahražaje da siami hadoŭ kałonii4
Kamientary