Polskija pamiežniki nie prapuścili ŭ Jeŭrasajuz rasijskich bajkieraŭ «Načnych vaŭkoŭ». 1 traŭnia bajkiery sprabavali trapić u Polšču, jakaja zahadzia abvieściła, što nie puścić udzielnikaŭ motaprabiehu «Darohi Pieramohi — Na Bierlin» na svaju terytoryju.

U Breście praź biełaruska-polskuju miažu prabivałasia hrupa na 5 bajkach i adnoj lehkavoj mašynie supravadžeńnia. U jaje skład uvachodzili čaćviora hramadzian Słavakii, dvoje hramadzian Niamieččyny i adna rasijanka. Lidar «Načnych vaŭkoŭ» Alaksandr «Chirurh» Załdastanaŭ pravodziŭ svaich adnakłubnikaŭ da punktu propusku, ale sam praź miažu nie pajechaŭ.

Biełaruskija pamiežniki «Načnych vaŭkoŭ» prapuścili na polski bok, adnak užo tam im admovili va ŭjeździe na terytoryju Jeŭrasajuza. Pa słovach udzielnicy prabiehu rasijanki Maryny, polskija pamiežniki nie zachacieli tłumačyć bajkieram pryčynu zabarony na ŭjezd.

«Nam nie dali anijakich tłumačeńniaŭ. Tłumačeńni, skazali, na papiery, jakija byli na polskaj movie. My paprasili pierakładčyka, jaho nam nie pradastavili. Rastłumačyć na luboj inšaj movie nam admovilisia. Skazali, kab my padpisali hetyja dakumienty, ale my admovilisia ich padpisvać, bo my nie možam pračytać toje, pad čym pavinny padpisacca», — kaža Maryna.

Letaś «Načnyja vaŭki» ŭžo sprabavali trapić u ES praz Brest, ale ŭ Terespali ich raźviarnuli polskija pamiežniki.

Siońnia častka «Načnych vaŭkoŭ» sprabavała trapić u ES praź Litvu, ale litoŭcy taksama ich nie puścili.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?