Hałoŭny prapahandyst Kramla, televiadučy, hiendyrektar infarmahienctva «Rasija siońnia» Dźmitryj Kisialoŭ źjaŭlajecca ŭładalnikam kvatery na Ćviatnym Bulvary płoščaj 204 kv.m, za jakuju zapłaciŭ 4603000 dalaraŭ abo 162 miljony rasijskich rubloŭ pa kursie na momant pakupki.

Infarmacyju pra heta ŭ svaim błohu paćvierdziŭ rasiejski apazicyjanier Alaksiej Navalny, kamientujučy dadzienyja, jakija raspaŭsiudzili ŭ siecivie paśla infarmacyi pra ŭzłom pošty Kisialova i dostup da jaho pierapiski pa elektronnaj pošcie i paviedamleńniaŭ u WhatsApp.

Jak adznačaje Navalny, spasyłajučysia na dadzienyja z Rasrejestra, adras «Ćviatny bulvar, 2» — adzin z samych darahich elitnych žyłych kompleksaŭ Maskvy «Lehienda Ćviatnoha».

«Źviarnicie ŭvahu, kvateru jon kupiŭ bieź ipateki/kredytaŭ, za najaŭnyja», — dadaŭ apazicyjanier.

Taksama, pavodle dadzienych, raźmieščanych paśla ŭzłomu, u pierapiscy Kisialoŭ sprabavaŭ z dapamohaj jeŭrapiejskich advakataŭ damahčysia źniaćcia sankcyj, jakija suprać jaho ŭviedzienyja ŭ ES.

«Ź pierapiski vynikaje, što advakaty ŭžo byli hatovyja spynić supracoŭnictva z televiadučym z-za taho, što toj uvieś čas zabyvaŭ im zapłacić», — havorycca ŭ paviedamleńni.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?