Žychary Baraŭlanaŭ pratestujuć suprać vysiečki lesu pobač ź ich damami
U pasiołku Baraŭlany Minskaha rajona pačałasia vysiečka lesu pobač z damami pa vulicy 40 hadoŭ Pieramohi. Miascovyja žychary vystupajuć kateharyčna suprać.
Na miescy lesu pavinna źjavicca daždžavaja kanalizacyja. Ciapier dla jaje budaŭnictva rasčyščajuć terytoryju. Płanujuć vysiečy 550 dreŭ.
Adlehłaść novaj kanstrukcyi ad damoŭ — usiaho 118 mietraŭ. Žychary doma № 34 kažuć, što daroha da novaha abjekta prachodzić litaralna za niekalki mietraŭ ad ich padjezdaŭ i dziciačaj placoŭki.
Jak raskazaŭ adzin z žycharoŭ nazvanaha doma, na hramadskim abmierkavańni miascovyja žychary vystupili kateharyčna suprać budaŭnictva ŭ hetym miescy. Jany nakiravali zvaroty ŭ Kamitet dziaržkantrolu, prakuraturu i Minski abłvykankam. Na dumku žycharoŭ pasiołka, prajekciroŭščyki nie ŭličyli pytańni ekałahičnaj biaśpieki.
Niahledziačy na toje što adkazy ź dziaržorhanaŭ zajaŭniki pakul nie atrymali, supracoŭniki Baraŭlanskaha lashasa ŭžo pačali vysiečku lesu. Pavodle słoŭ vidavočcaŭ, za dva dni śpiłavali kala 100 dreŭ.
«My majem namier i dalej pratestavać. Siońnia, 28 krasavika, vysiečku prypynili paśla taho, jak padyšli niezadavolenyja ludzi, — zajaviŭ žychar doma № 34. — My chočam zachavać les i nie dapuścić budaŭnictva daždžavoj kanalizacyi kala žyłych damoŭ. Liŭnievuju kanalizacyju mahli b zrabić za lesam u poli ci bližej da darohi. Ale ŭłady nie chočuć čuć žycharoŭ pasiołka».
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary