Śviet1616

Pucin paabiacaŭ, što budaŭniki «Uschodniaha» «źmieniać łožak na nary»

tass.ru

Prezydent RF Uładzimir Pucin u vielmi vostrych vyrazach vykazaŭsia pra zryŭ ranišniaha zapusku rakiety-nośbita «Sajuz-2.1a» z novazbudavanaha kasmadromu «Ŭschodni» ŭ Amurskaj vobłaści.

Rakieta pavinna była vyvieści na arbitu try spadarožniki: «Łamanosaŭ», «Busieł-2D» i SamSat-218.

Zapusk byŭ zaplanavany na 05:01 ranicy pa maskoŭskim časie 27 krasavika. Ale za paŭtary chviliny da startu jaho niečakana adkłali z-za zboju systemy kiravańnia. Krynica ŭ rakietna-kaśmičnaj sfery patłumačyła mahčymuju pryčynu admieny zapusku nastupnym čynam: «Papiarednie, mahło mieć miesca aŭtamatyčnaje spynieńnie puskaŭ na etapie nadduvu bakaŭ rakiety-nośbita». Pavodle jaho słoŭ, mahła paŭstać prablema z drenažnymi kłapanami.

Paśla taho, jak start byŭ adkładzieny, Pucin sabraŭ pasiadžeńnie dziaržkamisii pa zapusku rakiety-nośbita i vykazaŭ zaniepakojenaść vialikaj kolkaściu zbojaŭ pry kaśmičnych zapuskach u RF u apošni čas:

«Kali heta (zboi) źviazana z razhildziajstvam, ź niedastatkovym kantrolem nad važnymi pracesami, ja chaču zrazumieć, pahladzieć, jak idzie razbor palotaŭ u takich vypadkach», — zajaviŭ jon. «Viadoma, treba budzie rabić vysnovy». «Rasieja zastajecca lideram pa kolkaści puskaŭ — heta dobra, ale toje, što my sutykajemsia ź vialikaj kolkaściu zbojaŭ — heta drenna i pavinna być svoječasovaja reakcyja», — zajaviŭ Pucin.

Jon nahadaŭ pra niadaŭnija zboi puskaŭ rasiejskich rakiet z kasmadromu Kuru ŭ Francuskaj Hvijanie. Tolki dva ź ich, pavodle jaho słoŭ, byli praz drennaje nadvorje, a jašče dva — praź nienaležny stan aparata.

Pavodle aficyjnaj versii, jakaja była ahučana prezydentu, u zryvie ŭračystaha zapusku rakiety ranicaj u sieradu byŭ vinavaty «sam startavy kompleks» «Uschodniaha».

Pucin paabiacaŭ, što nia budzie ŭmiešvacca ŭ pracu dziaržkamisii, jakaja vyśviatlaje pryčyny niaŭdałaha zapusku, ale paabiacaŭ znoŭ naviedać kasmadrom, a taksama «turemnyja nary» tym budaŭnikam «Uschodniaha», jakija padazrajucca ŭ rastratach i inšych złačynstvach pry budaŭnictvie kasmadromu.

«Daviałosia raspačać šeść kryminalnych spraŭ, čatyry čałavieki aryštavana, dvoje ź ich, praŭda, znachodziacca pad chatnim aryštam, a dvoje ŭ SIZA siadziać. Ale kali vina tych, chto padazrajecca ŭ pravaparušeńniach, budzie dakazanaja, to im pryjdziecca źmianić ciopły chatni łožak na turemnyja nary», — cytuje Interfaks słovy Pucina na pasiadžeńni dziaržkamisii.

Vice-premjer Rasiei Dźmitryj Rahozin niadaŭna pryznaŭ, što ŭ chodzie budaŭnictva kasmadromu byli dapuščanyja «surjoznyja finansavyja parušeńni»:

«Ja pracavaŭ u kamisii. Była adkryta 21 kryminalnaja sprava. Zatrymanyja 21 čałaviek. Heta i byłoje kiraŭnictva «Dalśpiecstroja» — spadar Jury Chryzman i jahony syn. Jany vyvieli hrošy, jakija pavinny byli iści na kasmadrom, na budaŭnictva žylla ŭ Chabaraŭsku», — skazaŭ Rahozin.

Kamientary16

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach5

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach

Usie naviny →
Usie naviny

Siamiejnuju paru rasijan zatrymali ŭ Aŭstralii pa padazreńni ŭ špijanažy

Šmatdzietnaj maci dali 6 hadoŭ kałonii pa 6 artykułach. Syn-padletak ź invalidnaściu čakaje jaje na voli7

Pamior biełaruski saksafanist Vital Jamuciejeŭ

Kałumbijski fanat, jaki ŭdaryŭ lidara zbornaj Uruhvaja Nuńjesa, vyjaviŭsia śviatarom FOTAFAKT2

Bajden nazvaŭ prezidentam Ukrainy Pucina20

Paźniak pierakanany, što ŭ druhim tury vybaraŭ-1994 pieramoh by Łukašenku69

«Avijakampanija apłaciła adpačynak». Biełaruski raskazali, jak lohka i prosta dabilisia kampiensacyi za zatrymku rejsa4

«Nie prydumaŭ, jak narezać». Biełarus pakazaŭ u tyktoku, jak zabivaje ćvik mahiloŭskaj kaŭbasoj4

Čatyry krainy NATA damovilisia sumiesna raspracoŭvać dalnabojnyja rakiety1

bolš čytanych navin
bolš łajkanych navin

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach5

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach

Hałoŭnaje
Usie naviny →