Teatr1717

Vice-premjer Kačanava vysoka acaniła pastanoŭku «Dźviuch duš» u Kupałaŭskim teatry

26 krasavika ŭ Kupałaŭskim adbyłasia premjera «Dźviuch duš» pavodle ramana Maksima Hareckaha. Na pastanoŭku pryjšła vice-premjer pa sacyjalnych pytańniach Natalla Kačanava. Paśla pakazu jana doŭha razmaŭlała ź plamieńnikam Maksima Hareckaha, viadomym hieołaham, akademikam Radzimam Hareckim.

My spytalisia ŭ Radzima Haŭryłaviča, pra što išła havorka z čynoŭnicaj.

Natalla Kačanava. Fota kp.by.

«My ŭčora ź joj paznajomilisia, adkul ja jaje raniej moh viedać. Jana padyšła, cikaviłasia, słuchała. Natalla Kačanava ŭžo krychu viedała situacyju pra «Dźvie dušy». Ale ja raskazvaŭ, adkul, što, jak.

Sprava ŭ tym, što Maksim Harecki pisaŭ hetuju knihu ŭ 1918 hodzie ŭ Smalensku, tam jon sustreŭ revalucyju. U 1919 hodzie raman vyjšaŭ u Vilni, aŭtar jašče nie viedaŭ, što budzie. Ale jon pradbačyŭ svoj los, los krainy. I navat u siońniašnim časie jość adbitki taho pradbačańnia. Voś mienavita takaja prazorlivaść vyklikaje cikavaść.

Potym my pili razam z Kačanavaj kavu ŭ čas antraktu. Jana razumnaja ciotka, usio razumieje. Havoryć pa-rusku, choć kazała, što mahła b i pa-biełarusku, ale ŭžo pryzvyčaiłasia.

Pa skančeńni premjery my znoŭ razmaŭlali ź vice-premjeram. Jaje reakcyjaj było zachapleńnie, kazała, što adčuła ŭsio toje, što ja joj kazaŭ. Vielmi chvaliła, ja b navat skazaŭ, što jana była ŭzrušanaj. Adznačyła, što, sapraŭdy, tvor aktualny i siońnia. I heta patrebnaja pastanoŭka».

Padzialiŭsia Radzim Haŭryłavič i ahulnymi ŭražańniami ad premjery. «Poŭnaja zała, ja byŭ uražany, nakolki šmat moładzi było na pakazie. Heta ciažki dla ŭsprymańnia tvor, rasstreł, inšyja padziei, ale aŭdytoryja vielmi čuła reahavała na toje, što adbyvałasia na scenie.

Pinihin – prosta małajčynka. I artysty, što vykonvali roli, taksama byli na vydatnym uzroŭni. Ja pieražyvaŭ, jak usio heta budzie zroblena, ale atrymałasia vielmi ŭdała».

Kamientary17

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

30-chvilinny marynad dla prostaha kurynaha šašłyka6

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj17

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie20

Polšča raspačała palavańnie na kampanii, jakija abychodziać sankcyi suprać Biełarusi i Rasii1

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →