Były staršy trenier žanočaj zbornaj Biełarusi pa bijatłonie Kłaŭs Zibiert pamior na 61-m hodzie žyćcia. Pra heta paviedamili ŭ Biełaruskaj fiederacyi bijatłona.
Siarod najbolš viadomych vučniaŭ Kłaŭsa Zibierta — trochrazovaja alimpijskaja čempijonka, dvuchrazovaja čempijonka śvietu Darja Domračava, bronzavy pryzior Alimpijskich hulniaŭ 2014 hoda, šmatrazovy pryzior Kubka śvietu pa bijatłonie Nadzieja Skardzina.
Na svajoj staroncy «UKantakcie» bijatłanistka nacyjanalnaj kamandy Nadzieja Skardzina napisała:
«Učora pajšoŭ z žyćcia Kłaŭs Zibiert! Jon byŭ našym supiermenam (časam my tak jaho nazyvali). Jon byŭ nam i trenieram i psichołaham i nastaŭnikam i siabram! Takim, napeŭna, i pavinien być sapraŭdny trenier! Možna navat skazać, što dla mianie jon byŭ bijatłonny tata… Naša kamanda była bijatłonnaj siamjoj! Heta zaŭsiody zastaniecca ŭ našych ź dziaŭčatami sercach! Ja biaźmiežna ŭdziačnaja losu, što jon źvioŭ mianie z hetym čałaviekam! Jon šmat čamu navučyŭ, i samaje hałoŭnaje, pakazaŭ, jak možna lubić žyćcio i jak možna lubić spravu, jakoj ty zajmaješsia! I mahu tolki skazać: «Dziakuj tabie, Kłaŭs! Dziakuj za ŭvieś toj čas, jaki byŭ z nami, vučyŭ nas, radavaŭsia, pieražyvaŭ z nami, dziakuj, što ty ŭ nas byŭ! I ty ŭ nas jość, u sercy, u dušy, u pamiaci! Ty naš Kłaŭs! Zibyč! Zibuška! Ty naš supiermen!»
Milicyja vypadkova vykłała ŭnutrany dakumient z analizam miedyja. Voś kaho jany siońnia čytali i jakija ŚMI ličać niezaležnymi4
Kamientary