Viciebski abłasny sud abviaściŭ prysud pa kryminalnaj spravie pra zabojstva mužčyny i žančyny. Adzin z abvinavačanych pryhavorany da pažyćciovaha źniavoleńnia, druhi atrymaŭ 16 hadoŭ pazbaŭleńnia voli ŭ kałonii ŭzmocnienaha režymu. Pra heta paviedamlaje pres-słužba Viarchoŭnaha suda.
Nahadajem, 5 sakavika 2015 hoda ŭ Viciebsku ŭ kvatery adnaho ź fihurantaŭ kryminalnaj spravy sabrałasia kampanija maładych ludziej. Jany vypivali, užyvali narkotyki, palili kaljan. Zatym «na hlebie asabistych niepryjaznych adnosin, dziejničajučy z asablivaj žorstkaściu», maładyja ludzi (na momant ździajśnieńnia złačynstva im było 22 i 23 hady) nakinulisia ź bitaj na 25-hadovuju dziaŭčynu i 26-hadovaha chłopca. Zatym na leśvičnaj kletcy jany pačali źbivać jašče adnaho člena kampanii — 37-hadovaha mužčynu, ale toj zmoh akazać aktyŭny supraciŭ.
U vyniku troje paciarpiełych byli dastaŭlenyja ŭ ciažkim stanie ŭ reanimacyju. 25-hadovaja dziaŭčyna i jaje 26-hadovy siabar pamierli, 37-hadovy mužčyna vyžyŭ.
21 krasavika Viciebski abłasny sud abviaściŭ prysud dvum fihurantam spravy ab zabojstvie biejsbolnaj bitaj. Adzin z maładych ludziej za zabojstva dvuch čałaviek, ździejśnienaje z asablivaj žorstkaściu, i zamach na zabojstva hrupaj asob z asablivaj žorstkaściu prysudžany da pažyćciovaha źniavoleńnia z adbyvańniem u papraŭčaj kałonii asablivaha režymu.
Druhi pryznany vinavatym tolki ŭ zamachu na zabojstva, ździejśnienaje z asablivaj žorstkaściu hrupaj asob, za što asudzili na 16 hadoŭ papraŭčaj kałonii ŭzmocnienaha režymu.
Prysud suda nie nabyŭ zakonnuju moc i moža być abskardžany i apratestavany va ŭstanoŭlenym zakonnym paradku.
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary