Hramadskaje ab`iadnańnie «Tavarystva biełaruskaj movy imia Franciška Skaryny» (TBM) znoŭ prosić hramadskaść dapamahčy z apłataj arendy ofisa i kamunalnych płaciažoŭ.
Źviarnucca pa dapamohu TBM vymušana z-za čarhovaha pavyšeńnia arendnaj płaty za ofis ab`iadnańnia — z krasavika košt arendy dasiahnuŭ 14 360 000 rubloŭ u miesiac. «Taksama nieabchodna rehularna płacić za kamunalnyja pasłuhi, telefon, elektryčnaść i internet», — adznačajuć u TBM.
Nieabyjakavyja hramadzianie rehularna pieraličvajuć achviaravańni na rachunak ab`iadnańnia, ich imiony publikujucca ŭ haziecie «Naša słova» i na sajcie TBM. Tym nie mienš u suviazi z rezkim pavieličeńniem pamieraŭ płaciažoŭ arhanizacyja vymušanaja prasić dapamohi ŭ šyrokaj hramadskaści.
Anałahičnaja situacyja mieła miesca ŭ mai 2013 hoda, kali hramadzianie Biełarusi mienš čym za 20 dzion sabrali 20 młn rubloŭ, što dazvoliła apłacić arendu ofisa TBM na dva miesiacy napierad. Charakterna, što 10% ad hetaj sumy na rachunak ab`iadnańnia pieraviała Libieralna-demakratyčnaja partyja.
Rekvizity, nieabchodnyja dla pieraličeńnia achviaravańniaŭ, publikuje sajt TBM.
«Tavarystva biełaruskaj movy» zasnavana ŭ 1989 hodzie i aficyjna zarehistravana ŭ Ministerstvie justycyi. Uznačalvaje arhanizacyju viadomy hramadski dziejač, historyk Aleh Trusaŭ. Pavodle infarmacyi sajta TBM, ab`iadnańnie naličvaje kala 6 tysiač členaŭ u Biełarusi i za miažoj — u Litvie, Polščy, Rasii, Ukrainie, Łatvii, ZŠA, Kanadzie, Hiermanii i inšych krainach.
«Dalej budzie tolki bolš». Biełarus-raspracoŭščyk u halinie ŠI, jaki pracuje ŭ Ńju-Jorku, raskazaŭ, što nas čakaje19
Kamientary