Muzyka3636

Pamior muzyčny krytyk Vitaŭt Martynienka, jamu było 56 hadoŭ. U 1980-ja jon pieršym pačaŭ raskručvać biełaruskamoŭny rok

Jon adyšoŭ paśla šmathadovaha zmahańnia z cukrovym dyjabetam.

Jak paviedamiŭ Anatol Mialhuj, jaho siabra i kaleha pamior siońnia, 17 krasavika. U Vitaŭta Martynienki zastałasia 25-hadovaja dačka Aldona.

«Vielmi ciažka ŭśviedamlać, što niama čałavieka, ź jakim ja siabruju ŭžo bolš za 30 hod… Najpierš Vitaŭta viedajuć jak vydatnaha muzyčnaha krytyka, ale jon taksama talenavita žurnalist i paet, jaki pisaŭ vieršy dla biełaruskich hurtoŭ. Heta byŭ vielmi kreatyŭny čałaviek, jaki staviŭ pierad saboj vielmi roznyja zadačy. Naprykład, jon adstojvaŭ, kab u biełaruskaj movy adroźnivałasia napisańnie vybuchnoha i frykatyŭnaha «h». A jaho maraj było ŭviadzieńnie asobnych litar dla abaznačeńnia hukaŭ «dž» i «dz». Ale heta, vidać, tak i zastaniecca jaho maraj.

Syšoŭ sapraŭdny archivaryjus biełaruskaj niezaležnaj muzyki. Paśla jaho zastaŭsia vializny archiŭ artykułaŭ jak jaho aŭtarstva, tak i inšych muzyčnych krytykaŭ — jon usio heta źbiraŭ. Taksama ŭ jaho hruntoŭnaja kalekcyja viniłaŭ. Škada, kali heta prapadzie. Heta ŭnikalny zdabytak u biełaruskaj muzyčnaj kultury», — skazaŭ Anatol Mialhuj.

Vitaŭt Martynienka naradziŭsia 29 vieraśnia 1959 hodu ŭ Miensku. Skončyŭ Biełaruski dziaržaŭny ŭniversytet, fakultet žurnalistyki.

Z 1983 da 1994 pracavaŭ karespandentam, adkaznym sakratarom, namieśnikam hałoŭnaha redaktara moładzievaj gazety «Čyrvonaja źmiena», redahavaŭ muzyčnuju rubryku «Miełodyja» (z 1986 — «Notny arkuš»). Z 1989 da 1995 byŭ karespandentam miunchenskaj redakcyi radyjo «Svaboda», arganizavaŭ tam i pravodziŭ biełaruski muzyčny hit-parad. Z 1994 da 1997 pracavaŭ namieśnikam hałoŭnaha redaktara štotydniovika «Kinoniediela Minska».

U 1985 razam ź siabram i muzyčnym krytykam Anatolem Mialhujem byŭ siarod stvaralnikaŭ niezaležnaha muzyčnaha rok-klubu «Niamiha», jaki ŭ 1987-m staŭ kalektyŭnym siabram kaardynacyjnaj rady moładzievych niefarmalnych supołak. U kancy 1980-ch — udzielnik «Tałaki», «Tutejšych».

U 1988 stvaryŭ u kamsamolskaj gazecie «Čyrvonaja źmiena» adnu ź pieršych hrup padtrymki BNF.

Aŭtar muzykaznaŭčych knih «Praz rok-pryzmu» (1989, New York, razam z A. Mialhujem), «222 albomy biełaruskaha roku i nia tolki» (2006, Miensk, razam z A. Mialhujem), «Rock on-line» (2010, Miensk).

Vydaŭ taksama ŭ svajoj redakcyi z pradmovaj i kamentarami biełaruski pierakład ramanu Hienryka Siankieviča «Quo Vadis» (2002) i asobnym vydańniem poŭny tekst nazvanaj pradmovy — «Svoj siarod čužych (kanteksty, histaryčnyja i lingvistyčnyja asablivaści biełaruskaha pierakładu ksiandza P. Tatarynoviča)» (2003).

* * *

Infarmacyja adnosna raźvitańnia ź Vitaŭtam Martynienka:

19 krasavika a 9.45 z morha 10-j balnicy (vuł. Ubareviča, 73) cieła Vitaŭta paviazuć u krematoryj na Paŭnočnych mohiłkach (pas. Navinki) dzie a 11.00 adbudziecca raźvitańnie.

Kali chto nie maje, jak dajechać da krematoryja budzie transpart ad 10-j balnicy a 9.45.

Dadatkovaja infarmacyja: 8 044 7257064 Aldona

Kamientary36

Jakimi buduć vybary 2025 hoda? Razvažajuć Viačorka, Łatuška i Šrajbman20

Jakimi buduć vybary 2025 hoda? Razvažajuć Viačorka, Łatuška i Šrajbman

Usie naviny →
Usie naviny

U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia4

Nazvanyja najlepšyja hulcy Jeŭra-2024, małady futbalist i hulec finału

Pamior biełaruski kampazitar Leanid Hucin

Ispanija čaćvierty raz u historyi vyjhrała Jeŭra — i heta rekord VIDEA6

Biznesoŭcu i kiraŭnika respublikanskaha turystyčnaha sajuza asudzili za supracu ź litoŭskimi śpiecsłužbami 3

Jašče adna achviara štormu — dreva zabiła chłopčyka pad Rečycaj

Stała viadoma asoba čałavieka, jakoha zastrelili na mitynhu Trampa1

Jarmošyna raskazała, kaho dapuściać da ŭdziełu ŭ vybarach-202520

Jarmošyna pra Cichanoŭskuju: Prosta pradaŭščyca na fonie Karatkievič u 2015-m46

bolš čytanych navin
bolš łajkanych navin

Jakimi buduć vybary 2025 hoda? Razvažajuć Viačorka, Łatuška i Šrajbman20

Jakimi buduć vybary 2025 hoda? Razvažajuć Viačorka, Łatuška i Šrajbman

Hałoŭnaje
Usie naviny →