Hramadstva44

U ZŠA pamior hramadski aktyvist Michaś Sieńka

U amierykanskim Saŭt-Ryviery pamior hramadski aktyvist Michaś Sieńka. Jamu było 94 hady.

«Zychod z žyćcia adbyvaŭsia pastupova. Apošnim časam niabožčyk čuŭsia vielmi słaba. Byŭ u dobrym dohladzie žonki Valanciny i miedycynskaha piersanału», — napisaŭ Janka Zaprudnik.

Michaś Sieńka naradziŭsia 2 studzienia 1922 h. u Novym Śvieržni. Hetu luboŭ da miastečka jon pranios praz usio žyćcio i pastajanna paetyčna zhadvaŭ va ŭspaminach dy listach. 

Padčas niamieckaj akupacyi Michaś Sieńka vučyŭsia ŭ miedycynskaj škole ŭ Baranavičach na farmaceŭta, niekatory čas byŭ zahadčykam apteki ŭ Stoŭbcach.

Pa vajnie žyŭ u biełaruskim łahiery ŭ Vatenštecie (Nižniaja Saksonija), skončyŭ biełaruskuju himnaziju imia Maksima Bahdanoviča, braŭ aktyŭny ŭdzieł u skaŭtynhu.

U 1949 h. vyjechaŭ u ZŠA, pasialiŭsia ŭ Saŭt-Ryviery (Ńju-Džersi). Jon u svaich uspaminach ścipła abminuŭ saŭt-ryvierski pieryjad žyćcia. A nasamreč Michaś Sieńka vielmi šmat zrabiŭ dla zaprosinaŭ biełaruskich uciekačoŭ u Saŭt-Ryvier dy dalejšaj razbudovy ŭ im biełaruskaha žyćcia.

Jon, Lanhina Bryleŭskaja, Barys Kit, inšyja aktyvisty afarmlali strachoŭki i zaprašeńni biełarusam, pieraciahvajučy ich u ZŠA. U domie Sieńki pa Chierman-stryt, 24 našy suajčyńniki na niekalki dzion znachodzili svoj časovy prytułak.

U Ńju-Džersi Michaś Sieńka pracavaŭ na zavodzie «Ford», a ŭvieś volny čas zajmaŭsia hramadskaj pracaj: byŭ staršynioj Abjadnańnia biełaruska-amierykanskaj moładzi, sakratarom Biełaruskaha kanhresavaha kamiteta Amieryki, uvachodziŭ u carkoŭnuju radu parafii sv. Jeŭfrasińni Połackaj, radnym BCR. Uvohule jahonaja kvatera była «štabam» dla ci nie dziasiatka biełaruskich arhanizacyj u Ńju-Džersi.

Za ŭsioj takoj pracaj nie było času na asabistaje žyćcio. Ažaniŭsia Michaś Sieńka dosyć pozna — u 73 hady — z Valancinaj Paluchovič. Ich haścinny dom na Uots-stryt zaŭsiody prymaŭ haściej, a sami Sieńki zaŭsiody trymalisia biełaruskaha žyćcia i byli aktyvistami biełaruskaha pravasłaŭnaha prychodu.

Kamientary4

Bajden vychodzić z prezidenckaj honki46

Bajden vychodzić z prezidenckaj honki

Usie naviny →
Usie naviny

Prarasijskaja aktyvistka aburyłasia, što nie moža apublikavać fota ź bieł-čyrvona-biełym ściaham5

Na Rastoŭskaj AES adbyŭsia vybuch i Rasiju nakryła chvala radyjacyi? Pasprabavali razabracca1

Ivan Kraŭcoŭ treci raz zapar staŭ sakratarom Kaardynacyjnaj rady40

Śledam za krasnadarcami vyjšli patrabavać elektryčnaści i žychary Anapy1

«25 litraŭ za 2 hadziny». Hrybnyja trafiei ź lasoŭ stali bolš raznastajnymi3

«Minskija Patryki? Nie, Bikini Botam». Najlepšyja tvity tydnia4

Źjaviłasia FOTA z suda nad Ryka Kryhieram

Zamiest SMS — vyćcio siren. MNS choča pamianiać sistemu apaviaščeńnia padčas niepahadzi2

Ołaf Šolc dahetul hladzić lampavy televizar6

bolš čytanych navin
bolš łajkanych navin

Bajden vychodzić z prezidenckaj honki46

Bajden vychodzić z prezidenckaj honki

Hałoŭnaje
Usie naviny →