Adziny haradski centr zaniataści płanujuć stvaryć u Minsku, paviedamiła žurnalistam staršynia kamiteta pa pracy, zaniatasci i sacyjalnaj abaronie Minharvykankama Žanna Ramanovič.
«My vyjšli z prapanovaj ab pieradačy kamitetu pa pracy, zaniatasci i sacyjalnaj abaronie Minharvykankama budynka pa adrasie: vuł. Bieraścianskaja, 20. Paśla jaho rekanstrukcyi i pieraasnaščeńnia tut płanujecca adkryć adziny haradski centr zaniataści», — skazała Žanna Ramanovič.
U centry abstalujuć zały, dzie biespracoŭnyja zmohuć samastojna vyvučyć prapanavanyja vakansii, pakoi dla indyvidualnaj raboty z hramadzianami, jakija majuć patrebu ŭ dadatkovych mierach sadziejničańnia zaniataści nasielnictva, a taksama pamiaškańni dla navučalnych zaniatkaŭ i treninhaŭ.
Pavodle słoŭ staršyni profilnaha kamiteta, takija miery daduć mahčymaść sekanomić materyjalnyja resursy i źnizić nahruzku na śpiecyjalistaŭ słužby zaniataści, a taksama palepšyć pasłuhi pa pracaŭładkavańni, jakija akazvajucca haradžanam.
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary