Biełaruski hurt sabraŭ 29 890 dalaraŭ u miežach kampanii ŭ padtrymku alboma siaredniaviečnych kavieraŭ, ale maje namier najpierš prezientavać svaju ŭłasnuju tvorčaść.
Vialiki pośpiech napatkaŭ hurt «Stary Olsa», jaki źbiraŭ na suśvietna viadomaj kraŭdfandynhavaj platformie Kickstarter srodki na vydańnie albomu suśvietnych hitoŭ, syhranych na siaredniaviečny manier. Nieabchodnuju sumu ŭ 7000 dalaraŭ muzyki sabrali ŭsiaho za tydzień, a za aznačany dla zboru miesiac ahulnaja suma achviaravańniaŭ dasiahnuła 29 890 dalaraŭ. U top-5 krainaŭ, jakija spryčyniłsia da novaha albomu biełarusaŭ, na pieršym miescy ZŠA, potym iduć Vialikabrytanija, Biełaruś, Aŭstralija i Kanada. Sabranyja hrošy muzyki planujuć vydatkavać na zapis abiacanaha albomu z bonusami, a taksama na tur pa Amerycy, jaki projdzie ŭ žniŭni-vieraśni. Užo paćvierdžanyja vystupy ŭ Łos-Andželesie, Čykaha, Atavie, Denvery dy inšych haradach Ameryki. Muzykaŭ užo zaprasili na interviju na bujniejšaje radyjo ZŠA National Public Radio.
«Kraŭdfandynh – heta mazali na palcach i biassonnyja nočy! Strašna cikava! Za kožnym sponsaram staić nieimaviernaja praca. Maru ciapier vyspacca, bo žyvu hety miesiac pa amerykanskim časie. Vialikaje zachapleńnie i ŭzrušeńnie bačyć padtrymku z usiaho śvietu, niekatoryja vodhuki rasčulvajuć da śloz. A jašče adčuvaješ siabie, jak na arelach, bo sponsary mohuć pavyšać svaje achviaravańni, źnižać i anulavać», – skazała ŭ kamentary dla Tuzin.fm udzielnica hurtu Maryja Šaryj.
Pytańnie aŭtarskich pravoŭ na pieśni, jakija zapisvaje «Stary Olsa» uziałasia ŭrehulavać amerykanskaja kampanija «24 Hour Distribution». Dysk pad nazvaj «Medieval Classic Rock» taksama budzie vydadzieny ŭ Amerycy pieršapačatkovym nakładam u 1000 asobnikaŭ. Jon vyjdzie da vosieni 2016 hodu, a da traŭnia 2017 muzyki planujuć razasłać padarunki usim, chto spryčyniŭsia da jaho vydańnia.
A 15 krasavika hurt prezentuje ŭ Miensku svoj novy kancertny albom «Koła rycerska».
Bort Łukašenki z-za techničnych prablem viarnuŭsia ŭ Minsk bieź jaho12
Kamientary