Filip Kirkoraŭ usio ž dabraŭsia da Vilni, a jaho aparatura paśpiachova mantujecca ŭ kancertnaj zale «Siemens Arena».
U svaim Instahramie jon paviedamiŭ: «Vilnia! Pieradaju apošnija zvodki ź miažy! Naša abstalavańnie prybyło ŭ Litvu. Užo pačynajecca mantaž. Ź nieciarpieńniem čakaju vas u Siemens Arena zaŭtra! Da sustrečy na Šou «Ja»!»
Sam śpiavak prakamientavaŭ situacyju z pamiežnikami, jakija zatrymali fury z abstalavańniem na pamiežnym punkcie «Kamienny Łoh» tak:
«Nočču, stomlenych paśla kancertu, nas zatrymali na mytnym punkcie «Kamienny Łoh» bolš za hadzinu. Niekalki razoŭ praviarali dakumienty, prasili vyjści z mašyny, nadhladali, pry hetym sami ŭśmichalisia — voś, Kirkorava «złavili». U vyniku stomleny kalektyŭ dabraŭsia da Vilni tolki pad ranicu. Ale na hetym, jak akazałasia, načny kašmar nie skončyŭsia. Čatyry vialikija fury z afarmleńniem dla sceny — śviatłodyjodnyja ekrany, śviatło, dekaracyi, usio heta tak i zastałosia na pamiežnym punkcie. Biełaruskija mytniki nie vypuskajuć hruzaviki z abstalavańniem. Da hetaha času! Heta praciahvajecca ŭžo bolš za pałovu sutak. Chamiać kiroŭcam. Pahražajuć».
U vyniku afarmleńnie da sceny prybyła tolki siońnia nočču ŭ Vilniu, kancert adbudziecca 24 sakavika.
A Filip Biadrosavič budzie čakać papiaredžańnia pamiežnikam ad samoha kiraŭnika krainy.
Čytajcie taksama:
Biełaruskaja mytnia prymusiła Kirkorava paniervavacca
Mytnia i Pamiežny kamitet Biełarusi: Kirkoraŭ raskazvaje? Mytny nadhlad zaniaŭ 94 chviliny
«Zašmat u vas dziaciej». Jak žyvie siamja ź siamiu dziećmi, jakoj daviałosia vyjechać ź Biełarusi3
Kamientary