Dziaržpahrankamitet Biełarusi raźmiaściŭ u internecie hrafik pracy punktaŭ sproščanaha propusku na katalicki Vialikdzień.
Tak, na litoŭskim kirunku, punkt propusku «Vidzy» budzie pracavać štodnia kruhłasutačna, «Kiemieliški» — z 10.00 da 17.00 27 i 28 sakavika; «Maldzievičy» — z 8.00 da 20.00 u letni pieryjad (z 27 sakavika da 29 kastryčnika) u paniadziełak, aŭtorak, sieradu, čaćvier; «Łyntupy» — z 8.00 da 20.00 u letni pieryjad u piatnicu, subotu, niadzielu. Punkt propusku «Parečča» budzie pracavać z 9.00 da 19.00 da 26 sakavika ŭklučna, z 8.00 da 18.00 z 27 sakavika štodnia; «Hieraniony» — z 11.00 da 17.00 pa subotach i niadzielach, a taksama 10 maja; «Piaciuleŭcy» — z 11.00 da 17.00 27 i 28 sakavika, 10 maja i pa piatnicach, subotach i niadzielach; «Dociški» — z 9.00 da 19.00 štodnia; «Pickuny» — z 12.00 da 17.00 27 sakavika, 1 i 10 maja (propusk ažyćciaŭlajecca tolki dla hramadzian, jakija iduć pieššu).
Što tyčycca łatvijskaha kirunku, «Haŭrylina» budzie pracavać z 09.00 da 17.00 26 i 27 sakavika pry najaŭnaści zajavak; «Plusy» — z 9.00 da 17.00 26 i 27 sakavika.
U Dziaržpahrankamitecie źviarnuli ŭvahu, što miažu možna pierasiakać pieššu, na rovarach i asabistych lehkavych aŭtamabilach. Pry sabie nieabchodna mieć pašpart ź vizaj sumiežnaj dziaržavy.
Pry pierasiačeńni miažy na aŭtatransparcie nieabchodna pradjavić paśviedčańnie ab rehistracyi transpartnaha srodku, dahavor strachavańnia «Zialonaja karta», zaklučany sa strachavoj arhanizacyjaj Biełarusi.
U punktach sproščanaha propusku pierasiakać miažu majuć prava hramadzianie, jakija pastajanna pražyvajuć na pamiežnaj terytoryi. Na zhadanych pamiežnych pierachodach ažyćciaŭlajecca tolki pahraničny kantrol, tamu dazvolena pieramiaščać tavary (rečy) dla asabistaha karystańnia, praduhledžanyja pieralikam.
Dadatkovuju infarmacyju možna atrymać pa telefonie ŭ Minsku 8-017-216-26-12 (kruhłasutačna).
KDB vypadkova vydaŭ dvuch supracoŭnikaŭ, adkaznych za stvareńnie śpisa «terarystaŭ»22
Kamientary