U studzieni—lutym u Biełarusi pradoŭžyŭsia ekanamičny spad. Za dva miesiacy vałavy ŭnutrany pradukt skaraciŭsia na 4% u paraŭnańni z anałahičnym pieryjadam 2015 hoda, śviedčać dadzienyja Biełstata.
U hrašovym vyražeńni VUP za studzień—luty 2016 hoda skłaŭ 141,534 trłn rubloŭ.
Nahadajem, aficyjny prahnoz biełaruskich uładaŭ na 2016 hod, zaćvierdžany ŭ śniežni 2015 hoda, praduhledžvaŭ rost VUP na 0,3%. Prahnoz uładaŭ byŭ padrychtavany z ulikam taho, što siaredniehadavaja cana nafty, ad jakoj zaležyć ekanamičnaja aktyŭnaść u Rasii i Biełarusi, składzie 50 dalaraŭ za barel. Razam z tym u studzieni 2016-ha cana nafty na suśvietnym rynku rezka źniziłasia, i siońnia składaje kala 35—40 dalaraŭ za barel.
Pavodle źviestak Biełstata, za studzień—luty 2016 hoda vytvorčaść pramysłovaj pradukcyi źniziłasia na 5,6% da 121,531 trłn rubloŭ. Zapasy hatovaj pradukcyi skłali 36,8 trłn rubloŭ, abo 73,5% da siaredniamiesiačnaha abjomu pramvytvorčaści (u studzieni—lutym 2015 hoda — 87,6%). Udzielnaja vaha inavacyjnaj pradukcyi ŭ ahulnym abjomie adhružanaj pradukcyi skłała 10,1% suprać 12% u studzieni—lutym 2015 hoda.
Vypusk sielhaspradukcyi haspadarkami ŭsich katehoryj vyras na 2,4% da 12,7 trłn rubloŭ.
Inviestycyi ŭ asnoŭny kapitał źnizilisia na 24,6% i skłali 22,7 trłn rubloŭ.
Za dva miesiacy ŭviedziena ŭ ekspłuatacyju 746,1 tys. kvadratnych mietraŭ žylla (na 25,2% mienš za anałahičny letašni pakazčyk), u tym liku ź dziaržpadtrymkaj — 183,8 tys. (na 46,7% mienš).
Pieravozki ŭ nazvany pieryjad hruzaŭ transpartam źmienšylisia na 14,5% da 62,1 młn ton, pasažyraŭ — na 5,9% da 326,9 młn čałaviek.
Roźničny tavaraabarot źniziŭsia na 0,2% i skłaŭ 53,9 trłn rubloŭ, aptovy — na 8,6% i skłaŭ 98,2 trłn rubloŭ.
Biezydejnaja i biezhustoŭnaja chałtura. Kancepcyju novaha histaryčnaha muzieja dla Łukašenki rychtavali ŭ śpiešcy9
Kamientary