Navuka i technałohii44

U ZŠA pamior čałaviek, jaki prydumaŭ «ślimaka» i elektronnuju poštu

U amerykanskim štacie Masačusets 5 sakavika na 75-m hodzie žyćcia pamior prahramist Rejmand Tomlinsan, jaki ŭ 1971 hodzie prydumaŭ pratatyp sučasnaj elektronnaj pošty.

U kancy 1960-ch i na pačatku 1970-ch Tomlinsan pracavaŭ u amerykanskaj kampanii Bolt, Beranek and Newman, jakaja zajmałasia prajektami dla Arpanet. Hetaja systema, stvoranaja na zamovu Ministerstva abarony ZŠA, była papiarednicaj sučasnaha internetu.

Fota: Scanpix nuotr.

Kampanija raspracavała prahramu Sndmsg, jakaja dazvalała roznym karystalnikam, jakija pracavali na adnym kamputary pasyłać paviedamleńni adno adnamu. Ale hetaja prahrama była abmiežavanaja adnym kamputaram, a Tomlinsan, skarystaŭšysia ŭłasnaručna raspracavanaj prahramaj pieradačy fajłaŭ Cpynet, zrabiŭ madyfikacyi ŭ Sndmsg, jakija dazvolili pierasyłać paviedamleńni z adnaho kamputara na inšy ŭ miežach systemy Arpanet. Kab adździalić imia karystalnika ad adrasu paviedamleńnia, Tomlinsan skarystaŭ značok @ — hety symbal nie ŭžyvaŭsia ŭ imionach i nia mieŭ nijakaha značeńnia ŭ prahramie TENEX, jakoj karystalisia kamputary ŭ systemie. Paźniej ŭ roznych movach jon atrymaŭ roznyja nazvy — u biełaruskaj pryžyłasia nazva «ślimak». 

U 2010 hodzie Muzej sučasnaha mastactva ŭ Ńju-Jorku ŭklučyŭ @ u svaju architekturna-dyzajnerskuju kalekcyju, nazvaŭšy jaho «vyznačalnym symbalem kamputarnaj epochi».

Amerykanskaje vydańnie The New York Times cytuje farmuloŭku, jakuju skarystała Tavarystva Internetu ŭ Ženevie, kali ŭ 2012 hodzie uviało Tomlinsana ŭ svaju novastvoranuju Internet-Zalu Słavy: Jon «zrabiŭ poŭnuju revalucyju, hruntoŭna źmianiŭšy sposab, jakim kamunikujuć ludzi».

Kali Tomlinsan prymaŭ hetuju ŭznaharodu, jon skazaŭ: «Mianie časta pytajuć, ci razumieŭ ja, što rabiŭ? I adkaz: «Tak», ja dakładna viedaŭ, što ja rabiŭ. Ja prosta zusim nia mieŭ razumieńnia, jakim u vyniku budzie kančatkovy ŭpłyŭ hetaha. Ja davaŭ ludziam sposab kamunikavać ź inšymi ludźmi».

Kamientary4

FBR nazvała imia taho, chto stralaŭ u Trampa18

FBR nazvała imia taho, chto stralaŭ u Trampa

Usie naviny →
Usie naviny

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA1

Paźniak pierakanany, što ŭ druhim tury vybaraŭ-1994 pieramoh by Łukašenku121

Miesiacy karcaru i dva z pałovaj hady biez sonca. Jak małady minčuk prajšoŭ praz kałoniju i krytuju turmu5

Novyja Patriot i SAMP/T nie zmohuć abaranić Charkaŭ, Sumy, Mikałajeŭ i Čarnihaŭ — analityki

bolš čytanych navin
bolš łajkanych navin

FBR nazvała imia taho, chto stralaŭ u Trampa18

FBR nazvała imia taho, chto stralaŭ u Trampa

Hałoŭnaje
Usie naviny →