U Śvietłahorsku 19 lutaha kala 23.30 byli zatrymany lider ruchu salidarnaści «Razam» Viačasłaŭ Siŭčyk i aktyvist pradprymalnickaha ruchu Aleś Makajeŭ.

Jak paviedamiŭ «Viaśnie» hramadzki aktyvist sa Śvietłahorsku Jury Lašenka, 19 lutaha Siŭčyk i Makajeŭ u Śvietłahorsku sustrakalisia ź miascovymi pradprymalnikami, ź jakimi abmiarkoŭvali sytuacyju, jakaja skłałasia paśla pryniaćcia ŭkazu №222. Dadzieny narmatyŭny akt faktyčna paralizavaŭ pracu biełaruskich IP, jakija handlujuć adzieńniem i abutkam.

«Paśla 23.00 my pravodzili Siŭčyka i Makajeva na ciahnik «Kalinkavičy-Baranavičy», na jakim u 23.30 jany pavinny byli jechać u Miensk. Ale na čyhunačnym vakzale da nas padyšli vosiem supracoŭnikaŭ milicyi, jakija bieź nijakich tłumačeńniaŭ zatrymali Siŭčyka i Makajeva. Zaraz ich viazuć u Śvietłahorski RAUS, pryčym supracoŭniki milicyi nie pradstaŭlajucca i nie tłumačać pryčyn takoha «chapuna», — adznačyŭ Jury Lašenka.

Aleś Makajeŭ pa telefonie paviedamiŭ, što jon u Śvietłahorskim RAUS, i milicyja ich abvinavačvaje ŭ drobnym chulihanstvie.

«U nas zabirajuć telefony, nie mahu razmaŭlać», — dadaŭ aktyvist pradprymalnickaha ruchu.

Praź niekatory čas žonka Alesia Makajeva paviedamiła na svajoj staroncy ŭ Fejsbuku, što abodvuch zatrymanych adpuścili.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?