Italjanski historyk-miedyjavist, fiłosaf i piśmieńnik Umbierta Eka, najbolš viadomy svaim ramanam «Imia ružy», pamior va ŭzroście 84 hadoŭ.
Pa słovach pradstaŭnikoŭ jaho siamji, piśmieńnik pamior u piatnicu ŭviečary ŭ siabie doma. Inšyja padrabiaznaści nie paviedamlajucca.
Umbierta Eka naradziŭsia ŭ nievialikim horadzie Alesandryja niedaloka ad Turyna ŭ 1932 hodzie. U 1954 hodzie jon skončyŭ Turynski univiersitet, dzie vyvučaŭ siaredniaviečnuju fiłasofiju i litaraturu.
Svoj pieršy raman — «Imia ružy» — Eka apublikavaŭ u 1980 hodzie. Hetaja kniha paśla stała samaj viadomaj jaho litaraturnaj pracaj i była ekranizavanaja ŭ 1986 hodzie. Hałoŭnuju rolu ŭ filmie vykanaŭ Šon Konery.
Siomy i apošni raman Umbierta Eka — «Nulavy numar» — byŭ apublikavany ŭ studzieni 2015 hoda.
Sam Eka ličyŭ piśmieńnickuju dziejnaść nie samaj važnaj častkaj svajho žyćcia. «Ja fiłosaf. Ja pišu ramany tolki pa vychadnych», — kazaŭ jon.
Eka ŭ 1988 hodzie zasnavaŭ departamient kamunikacyj va Univiersitecie San-Maryna. Jon vykładaŭ teoryju kultury i estetyku va univiersitetach Miłana, Turyna i Fłarencyi.
Umbierta Eka źjaŭlaŭsia hanarovym doktaram mnostva univiersitetaŭ. Jon napisaŭ vialikuju kolkaść ese pa fiłasofii, movaznaŭstvie, siemijotycy, siaredniaviečnaj estetycy.
«Siarhiej» nie adzin. Voś jak KDB prapanuje zarabić na sačeńni za biełaruskimi emihrantami3
Kamientary