U subotu 12 krasavika ŭ Kijevie skončyŭsia festyval sučasnaj biełaruskaj kultury «Biełaruskaja viasna», jaki tryvaŭ tut ad 22 sakavika. Piša Vital Panamaroŭ.
Jaho arhanizataram była Inicyjatyva «Salidarnaść», a partnerami i suarhanizatarami — Moładzievy centar «Kaponir», Art‑studyja «Virij», Kinaklub KMA, A‑Kino, Časopis kulturnaha supracivu «ŠO», vidańni «Telekrytyka», Halereja «RA» i Hrupa eŭrapiejskaj stratehii.
Apošniaja padzieja festyvalu mieła formu biełaruskaj litaraturnaj viečaryny ŭ Kijeva‑Mahilanskaj akademii. Jaje viali Andrej Chadanovič i maładaja ŭkrainskaja piśmieńnica i pierakładčyca Bahdana Macijaš. Viečarynu raspačaŭ Viktar Žybul čytańniem vierša pro parašutysta, a hledačy tym časam prakołvali šmatlikija pavietranyja šaryki, jakimi byŭ abviešany paet. Dalej Natałka Babina raspaviała pra knižnuju seryju «Kniharnia «Naša Niva»« i pračytała ŭryvak z svajho novaha ramanu «Rybin Horad». Kasia Kviatkoŭska apaviadała, jak stvarałasia jaje kniha «Kastusioŭ dziońnik». Sieviaryn Kviatkoŭski pračytaŭ kolki frašak z svajoj zborki «Fraški da plaški», Siarhiej Pryłucki — frahmenty z svajoj knihi «Dzievianostyja forever», Uładzisłaŭ Achromienka i Maksim Klimkovič havaryli pra svaju knihu «Janki, albo Astatni najezd na Litvie», a Andrej Chadanovič pračytaŭ paru svaich «Berlibriv».
Druhoj častkaj viečaryny staŭ miždziaržaŭny paetyčny słem miž zbornymi paetaŭ Biełarusi i Ŭkraini. Jon sabraŭ blizka sotni zaŭziataraŭ, što nadzvyčaj emacyjna reahavali na chod zmahańnia. Słem‑majstrAm byŭ Arciom Palažaka. Biełaruś pradstaŭlali Viera Burłak, Viktar Žybul, Maryjka Martysievič i trener na poli Andrej Chadanovič, Ukrainu — Siarhiej Panciuk, Śviatłana Pavalajeva, Paŭło Karabčuk, Aleh Kocaraŭ, Łora (Lvoŭ) i trener na poli Dmytro Łazutkin. Pieramohu i pryz časopisu»ŠO» zdabyła zbornaja Biełarusi.
Nastupnym viečaram biełaruskija ŭdzielniki festyvalu vyrušyli ŭ Lvoŭ, dzie ŭ paniadziełak 14 krasavika taksama maje prajści biełaruskaja litaraturnaja viečaryna.
Kamientary