Mahiloŭski dziaržaŭny ŭniversytet imia Kulašova zahadvaje studentam nia mienš jak za dva tydni paviedamlać pra mierkavanyja pajezdki za miažu.
 |
Mahiloŭski dziaržaŭny ŭniversytet imia Arkadzia Kulašova zahadvaje studentam papiaredžvać nia mienš jak za dva tydni pra planavanyja pajezdki za miežy Biełarusi. Adpaviedny zahad za № 71 pabačyŭ śviet 27 sakavika 2008 hodu.
Tekst zahadu staŭ ahulnadastupnym dziakujučy sajtu mgu.ucoz.ru.
Svaje dziejańni rektarat MDU imia Kulašova abhruntavaŭ nieabchodnaściu «zabiaśpiečyć abaronu pravoŭ i zakonnych intaresaŭ hramadzianaŭ».
— Hety zahad supiarečyć usiamu dziejnamu zakanadaŭstvu Biełarusi, nia kažučy pra mižnarodnyja normy. Pa‑pieršaje, zabiaśpiečvać abaronu pravoŭ i zakonnych intaresaŭ hramadzian pavinny pravaachoŭnyja orhany. Takim čynam Ustanova adukacyi «MDU imia A. A. Kulašova» sprabuje zaniacca niestatutnaj dziejnaściu. Kožny hramadzianin Biełarusi maje prava na tajamnicu asabistaha žyćcia, prava bieśpieraškodnaha ruchu pa Biełarusi j za jaje miežy… Mahiloŭskija niezaležnyja jurysty ŭ chutkim časie padaduć zajavu ŭ prakuraturu z patrabavańniem prypynić dziejańnie zahadu j pryciahnuć da adkaznaści administracyju ŭniversytetu, — prakamentavaŭ źmiest zahadu № 71 Alaksandar Karaloŭ, juryst‑konsult Mahiloŭskaha pradstaŭnictva prafsajuzu REP.
Kamientary