Pasprabavać maroziva ad Baskin Robbins u Minsku možna ciapier u novym HC «Moma». Najbujniejšaja ŭ śviecie sietka kafe-marožanych zaprašaje na adkryćcio 6 lutaha ŭ 12.00.

U płanach kampanii adkryć u chutkim časie jašče try kropki ŭ Minsku i niekalki — u rehijanalnych haradach.

«Pieršaje kafe Baskin Robbins było adkrytaje ŭ farmacie fud-kort, druhaja ŭ HC «Moma» — paŭnavartasnaje kafe na 18 pasadačnych miescaŭ — raspavioŭ kiraŭnik Baskin Robbins u Biełarusi Arciom Krapčuk. — My zavieźli kala 40 hatunkaŭ, jakija buduć pastajanna abnaŭlacca. Kampanija staranna sočyć za jakaściu svajoj pradukcyi, tut usie desierty zroblenyja tolki z naturalnych kampanientaŭ».

Naviedvalnikam kafe prapanujuć jak kłasičnyja desierty Baskin Robbins, tak i novyja modnyja navinki. Firmovyja sandei, małočnyja kaktejli premium de luks, fryzy, smuzi i inšyja aśviažalnyja napoi. U mieniu ŭstanovy taksama ekskluziŭnyja torty-maroziva ručnoj pracy. Desierty zroblenyja na asnovie naturalnych viarškoŭ i fruktovych sokaŭ biez štučnych farbavalnikaŭ.

Cana startuje ad 25 000 rubloŭ za šaryk. Asobna možna kupić vafielny ražok abo košyk za 10 000 rubloŭ. Naviedvalniki kafe taksama zmohuć zamović kaktejli i torty z maroziva abo źmiksavać svoj unikalny desiert. Małočny kaktejl tut abydziecca ŭ 85 000 rubloŭ, košt tortaŭ — ad 250 000 rubloŭ.

«Maroziva Baskin Robbins vyrablajuć i dastaŭlajuć z Maskvy. Da takich śviataŭ, jak 14 lutaha i 8 Sakavika, rychtujem tematyčnyja desierty», — raspavioŭ Arciom Krapčuk.

«Na adkryćci budziem daryć padarunkavyja siertyfikaty na maroziva i častavać tortam», — dadaŭ jon.

Užo siońnia luby achvotny zmoža pakaštavać maroziva Baskin Robbins na adkryćci druhoha punktu prodažu ŭ Minsku. Adkryćcio 6 lutaha ŭ HC «Moma» pa adrasie: Partyzanski pr-t 150a, st. m. «Mahiloŭskaja». Z 12.00 da 22.00.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?