Kiraŭnik MZS Ukrainy Pavieł Klimkin maje namier padniać pytańnie adnosna pieramoŭ ab deakupacyi Kryma na sustrečy ministraŭ zamiežnych spraŭ u «narmandskim farmacie» 13 lutaha.
Pra heta jon zajaviŭ u piatnicu, pieradajuć »Ukrainskija naviny».
«My ciśniem, ale Rasija kaža pakul, što, heta nie patrabuje abmierkavańniaŭ. Ja, darečy, padymu hetaje pytańnie padčas našaj sustrečy ŭ «narmandskim farmacie», niavažna, dzie jana projdzie», — skazaŭ jon.
Ukrainski bok na hetych pieramovach pa deakupacyi Kryma, jak adznačyŭ Klimkin, cikaviać pytańni ŭ humanitarnaj, ekałahičnaj, ekanamičnaj i navihacyjnaj śfierach, a taksama situacyja ź biaśpiekaj i sam status paŭvostrava.
«Ci zmožam my pačać z Rasijaj dyskusiju pa ŭsich pytańniach adnačasova — heta pytańnie dalejšaha abmierkavańnia. Ale ŭ nas jość stolki pytańniaŭ, i ja spadziajusia, što Rasija taksama razumieje, što hetyja pytańni nie vyrašajucca. Pad rasijskaj akupacyjaj Krym siońnia idzie ŭ nikudy», — skazaŭ ministr.
Klimkin paviedamiŭ, što farmat pieramoŭ padeakupacyi Kryma nie budzie mieć ničoha ahulnaha z «narmandskim farmatam», što praduhledžvaje ŭrehulavańnie kanfliktu na Danbasie.
4 lutaha Jeŭrapiejski parłamient zaklikaŭ Rasiju pačać pieramovy z Ukrainaj ab deakupacyi Kryma.
U Biełarusi pierad vybarami mohuć błakavać internet — jak da hetaha padrychtavacca, kab być na suviazi1
Kamientary