Pastanovu Saŭmina Biełarusi №666 ab dziaržaŭnaj sanitarna-hihijeničnaj ekśpiertyzie impartu pakul admianiać nie płanujecca, zajaviŭ siońnia na pres-kanfierencyi namieśnik ministra achovy zdaroŭja — hałoŭny dziaržaŭny sanitarny doktar Ihar Hajeŭski.

«Pastanova pracuje. Jana była pryniata pravilna i svoječasova. Jość vynik. I samaje cikavaje, što jana vielmi mnohich dyscyplinuje. Heta darahoha varta», — miarkuje Ihar Hajeŭski.

Raniej paviedamlałasia, što pastanova №666 moža być admieniena, kali nie budzie pytańniaŭ pa niesumlennych pastaŭščykach. Z hetaj nahody namieśnik ministra skazaŭ, što paśpiešnych i zaŭčasnych rašeńniaŭ prymać nie varta.

Pavodle słoŭ Ihara Hajeŭskaha, asnoŭnaja meta dakumienta — dyscyplinavać biźnies-apierataraŭ i dać mahčymaść im samim pierakanacca, što «tavar, jaki jany pryvieźli, narmalny i jaho možna pradavać».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?