U futbolnym Babrujsku hetymi dniami niespakojna – u horadzie źjaviŭsia tajamničy rasijski inviestar, jaki choča nabyć FK «Biełšyna».

Novaja ŭłada jašče nie pryznačanaja, pahadnieńni nie padpisanyja, ale rasiejcy ŭžo pačynajuć dyktavać svaje praviły hulni. Adpraŭleny ŭ adstaŭku hałoŭny trenier kamandy Vital Paŭłaŭ, jaki byŭ pryznačany tolki paśla Novaha hoda, jon mierkavaŭ zachavać letašni skład kamandy, jaki zaniaŭ vysokaje čaćviortaje miesca. A na pieršy zbor kamandy nakiravalisia tolki dvoje hulcoŭ letašniaj asnovy — Pankrataŭ i Karamuška — plus niekalki pierśpiektyŭnych maładzionaŭ.

Kamandu ciapier treniruje rasiejski śpiecyjalist Uładzimir Ježuraŭ, apošnim kłubam jakoha byŭ krasnajarski «Jenisiej».

Adzin ź lidaraŭ minułahodniaj «Biełšyny» Alaksandr Šahojka kaža, što navinu ab tym, što kłub nie zacikaŭleny ŭ jahonych pasłuhach, pieradali praz trecich asobaŭ, nijakich kantaktaŭ z novym načalstvam jon nie mieŭ.

«Surjoznym kiraŭnictvam ja liču ludziej, jakija dziejničajuć salidna, a nie z pazicyi «rablu što chaču, a na astatnich plavać», — skazaŭ Šahojka ŭ intervju sajtu football.by.

Kamunalnaje spartyŭnaje ŭnitarnaje pradpryjemstva «Babrujski futbolny kłub «Biełšyna» było ŭ padparadkavańni harvykankama. Zaklučeńniem pahadnieńniaŭ z novymi ŭładalnikami zajmajucca jakraz haradskija čynoŭniki.

Pavodle krynic «NN», suma ŭhody składzie kala 1 miljonaŭ dalaraŭ. Pryčym novyja ŭłaśniki atrymajuć nie tolki kłub, ale i majomaść, što znachodziłasia ŭ padparadkavańni «Biełšyny», a heta značyć – 9-paviarchovuju haścinicu z restaranam, bazu z saŭnaj i polem, stadyjon imia Alaksandra Prakapienki sa štučnym pakryćciom.

Tamu mnohija ŭ Babrujsku aburajucca jakraz nie prodažam kamandy, a majomaści. Kali ŭjavić hipatetyčnuju situacyju, što novyja ŭłaśniki praz peŭnyja časy admoviacca ad «Biełšyny», to adradzić z nula futbolny kłub u Babrujsku budzie amal niemahčyma praz poŭnuju adsutnaść infrastruktury.

Taksama mnohich aburaje, što ŭhoda adbyvajecca absalutna nieprazrysta. Nijakich tendaraŭ na prodaž futbolnaha kłuba nie było. A raniej u kłubie biez tendaru niemahčyma było kupić navat formu.

U futbolnych asiarodkach kažuć, što novyja inviestary jeździli pa mnohich haradach Biełarusi. Jany ŭ byli ŭ Breście, ale ich adpałochała toje, što miascovaje «Dynama» maje vialikija pazyki.

U «Krumkačach» jany nie zmahli damovicca z ułaśnikam kamandy Dzianisam Šunto. Byli hetyja ludzi taksama ŭ Mahilovie, ale minus kamandy hetaha abłasnoha centra, što jana nie hulaje ŭ vyšejšaj lizie. U Mahilovie ŭpieršyniu i prahučała prapanova adnosna babrujskaj «Biełšyny». A dalej usio było jak u «Załatym cialaci» Ilfa i Piatrova: «Pry słovie «Babrujsk» schod chvaravita zastahnaŭ. Usie zhadžalisia jechać u Babrujsk choć ciapier. Babrujsk ličyŭsia vydatnym, vysokakulturnym miescam».

Kažuć, što raznaradka ab prodažu kłuba pryjšła z Mahiloŭskaha abłvykankama. Haradskija ŭłady zadavolenyja, što ciapier im nie treba dumać jak zabiaśpiečyć kłub na budučy siezon.

Kankretnyja imiony novych ułaśnikaŭ «Biełšyny» pakul trymajucca ŭ sakrecie. Spartyŭnyja sajty pišuć hromkija zahałoŭki, što ŭ Babrujsku stvorać kankurenta BATE, ale pakul na prahlad u kamandu zaprasili hulcoŭ siaredniaj ruki, jakija nie zmohuć vyvieści kamandu na jakasny novy ŭzrovień.

U bližejšyja dni ŭsie hetyja babrujskija sakrety pavinny być vyrašanyja. U hety ž čas pačnie vymaloŭvacca pierśpiektyva na nastupny siezon, u jakim «Biełšyna» pry ŭdałym źbiehu abstavin navat zmoža zhulać u Lizie Jeŭropy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?