Vilenski akruhovy sud u čaćvier praciahnuŭ jašče na try miesiacy termin aryštu dla abvinavačanaha ŭ špijanažy na karyść Biełarusi byłomu vajskovamu paramiedyku Andreju Ašurkovu.

Sud miarkuje, što padstavy dla aryštu nie źnikli, abvinavačvany moža źbiehčy i chavacca ad suda. Razhlad spravy A. Ašurkova ŭ sudzie ŭžo zaviaršajecca, zastałosia tolki apošniaje słova padsudnaha. Praces prachodzić za začynienymi dźviaryma, jon praciahniecca ŭ kancy lutaha.

Hienprakuratura prosić pryznać byłoha paramiedyka vinavatym u špijanažy na karyść Biełarusi i pakarać abvinavačanaha šaściu hadami pazbaŭleńnia voli.

A.Ašurkoŭ, jaki słužyŭ u miechanizavanym piachotnym bataljonie imia Vialikaha kniazia Litoŭskaha Alhierda, byŭ zatrymany ŭ studzieni 2014 hoda.

Pa paviedamleńni Departamienta dziaržbiaśpieki (DDB) Litvy, Hałoŭnaje raźviedvalnaje kiravańnie (HRU) Hienieralnaha štaba Ministerstva abarony Biełarusi zavierbavała A. Ašurkova ŭ Biełarusi i metanakiravana ukaraniła ŭ US Litvy dla vykanańnia śpieczadač. Jość padazreńni ŭ tym, što dadzienyja pieradavalisia Biełarusi na praciahu piaci hadoŭ, za pieradadzienuju infarmacyju abvinavačvany atrymlivaŭ hrašovyja ŭznaharody.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?