Amierykanskija navukoŭcy ličać, što ludzi nikoli nie zmohuć admovicca ad cukru. Da takoj vysnovy jany pryjšli paśla praviadzieńnia šerahu navukovych ekśpierymientaŭ, paviedamlajuć infarmahienctvy.
Jak tłumačać navukoŭcy, sprava nie tolki ŭ smakavych prychilnaściach, ale i reakcyi arhanizma na adsutnaść sałodkaha. Paśla spažyvańnia šakaładu abo cukierak u čałavieka moža ŭźnikać zaležnaść, padobnaja da narkatyčnaj, śćviardžajuć śpiecyjalisty. I navat tyja, chto vykonvaje strohuju dyjetu i admaŭlajecca ad zabaronienych prysmakaŭ, usio roŭna spažyvajuć «schavany» cukar razam z sumiesiami śpiecyj, chlebam i niekatorymi inšymi praduktami.
Daśledčyki źviartajuć uvahu, što naturalnyja cukry — naprykład, łaktoza i fruktoza — mienš škodnyja dla arhanizma, čym tryśniahovy cukar i cukar z burakoŭ. Vykarystoŭvajučy naturalnyja cukry, čałaviek zadavalniaje patrebnaść arhanizma ŭ sałodkim ź mienšaj škodaj dla fihury, nahadvajuć navukoŭcy. Amataram sałodkaha taksama rekamiendujecca ŭklučać u svoj racyjon bolš praduktaŭ, bahatych białkom i klatčatkaj.
U Baranavičach aryštavali siem byłych rabotnikaŭ zakrytaj niezaležnaj haziety «Inteks-Pres»1
Kamientary