Anłajn-kinateatr Netflix zapracavaŭ u Biełarusi: što heta takoje i kolki heta kaštuje
Netflix — amierykanskaja kampanija, pastaŭščyk filmaŭ i sieryjałaŭ. Pieršapačatkova Netflix zajmałasia prakatam filmaŭ na DVD-dyskach, vykarystoŭvajučy madel biznesu DVD pa pošcie. Pačynajučy z 1999 hoda, kampanija ŭsio bolš i bolš pačynała zajmacca prodažam videa pa zapycie karystalnika internetu.
6 studzienia 2016 hoda padčas pres-relizu kampanija zajaviła, što ich anłajn-servis ciapier dasiažny dla ŭsich krain, akramia Siryi, KNDR i KNR. Na siońniašni momant kampanija absłuhoŭvaje bolš za 70 miljonaŭ karystalnikaŭ u 190 krainach śvietu.
Čym ža admietny Netflix? Jakaściu. Vy možacie sami abirać filmy, hladzieć ich u najlepšaj jakaści i navat z aryhinalnaj ahučkaj. Hladzieć sieryjały možna jak z televizara (kali ŭ vas jość Smart TV ci padklučany internet), z kampjutara ci z mabilnych pryład i płanšetaŭ. Jość viersija jak na Android, tak i na Ios. Cervis, pakul što, nie maje biełaruskaj movy.
Dla ŭsich zarehistravanych na servisy pieršy miesiac prahladu sieryjałaŭ — biaspłatny. Dalej ža vy možacie abrać adnu z troch padpisak na miesiac.
1. Bazavaja za 7,99$ (filmy nie ŭ HD, možacie hladzieć tolki adzin sieryjał adnačasova na roznych pryładach).
2. Standartny za 9,99$ (filmy ŭ HD, ale nie samym lepšym, možacie hladzieć niekalki sieryjałaŭ adnačasova z roznych pryład).
3. Premiŭm za 11.99$ (Filmy ŭ najlepšaj jakaści, možacie hladzieć 4 sieryjały adnačasova z roznych pryład).
Možacie skarystacca miesiac i acanić, ci hatovyja vy płacić takija hrošy za jakasnaje kino. Naprykład, sieryjał «Cmialčak» (Daredevil) źniaty Netflix pa adnajmiennym komiksie Marvel, byŭ vysoka acenieny ŭ internet-prastory.
Trejler «Śmialčak» (aściarožna, žorstkija kadry):
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1919
Kamientary