Biełaruskim uładam nie varta vyznačać metavyja pakazčyki pa roście zarabotnaj płaty. Takaja rekamiendacyja ŭtrymlivajecca ŭ daśledavańni Mižnarodnaha valutnaha fondu, jakoje pryśviečanaje pryčynam uźniknieńnia valutnych kryzisaŭ u Biełarusi.
Aŭtary daśledavańnia, apublikavanaha na sajcie MVF, źviartajuć uvahu na toje, što na praciahu 2001—2014 hadoŭ biełaruskija ŭłady stymulavali rost dachodaŭ nasielnictva šlacham ŭstanaŭleńnia metavych pakazčykaŭ pa zarpłacie. «Urad mieŭ administracyjnyja instrumienty, nieabchodnyja dla dasiahnieńnia hetych metaŭ, što adlustroŭvała daminavalnuju rolu dziaržavy ŭ ekanomicy», — adznačajecca ŭ dakumiencie.
Pavodle acenki ekśpiertaŭ MVF, štučny rost zarpłat razam z kredytavańniem dziaržprahram stymulavaŭ ŭnutrany popyt, što ŭ vyniku ciahnuła pavieličeńnie deficytu rachunku biahučych apieracyj płaciežnaha bałansu. «Biełaruś za apošnija šeść hadoŭ pieražyła try kryzisy — u 2009-m, 2011-m i 2014-m. Uźniknieńniu kožnaha kryzisu papiaredničała pašyreńnie deficytu rachunku biahučych apieracyj bolš jak na 8% VUP», — havorycca ŭ daśledavańni MVF.
U suviazi z hetym ekśpierty rekamiendujuć miery, jakija b nie dapuskali ŭźniknieńnia takich dysbałansaŭ. «Uradu varta admovicca ad ŭstanaŭleńnia metavych pakazčykaŭ pa zarabotnaj płacie i paetapna skaračać abjomy kredytavańnia dziaržaŭnych prahram, kab likvidavać asnoŭnuju krynicu dysbałansaŭ i zabiaśpiečyć tryvałuju stabilizacyju», — adznačajuć aŭtary daśledavańnia.
Jany vitajuć źmieny, što adbylisia ŭ ekanamičnaj palitycy Biełarusi ŭ 2015 hodzie. «Niadaŭnija źmieny ŭ makraekanamičnaj palitycy — płan pa skaračeńni kredytavańnia dziaržprahram, pierachod na manietarnaje tarhietavańnie i abmienny kurs, jaki płavaje, — kroki ŭ pravilnym kirunku», — havorycca ŭ daśledavańni.
Nahadajem, Biełaruś viadzie z MVF pieramovy ab atrymańni novaha kredytu na 3 młrd. dołaraŭ. Pradstaŭniki Nacyjanalnaha banka čakajuć, što vyniki pieramoŭ stanuć viadomyja ŭ pieršym kvartale 2016 hoda.
«Uvarvalisia z dručkami». Śviedka raskazaŭ, jak siłaviki źbili aŭtaślesara ź Viciebska. Praz hod toj pamior7
«Uvarvalisia z dručkami». Śviedka raskazaŭ, jak siłaviki źbili aŭtaślesara ź Viciebska. Praz hod toj pamior
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami99
Kamientary