Alaksandr Łukašenka pavinšavaŭ pravasłaŭnych chryścijan z Rastvom Chrystovym.
«Heta śvietłaje śviata prynosić nadzieju i ŭmacoŭvaje vieru ŭ lepšuju budučyniu. Jano simvalizuje pieramohu sapraŭdnaj duchoŭnaści i čałaviekalubstva, prasłaŭlaje vysakarodnyja ideały humanizmu i miłasernaści, — havorycca ŭ vinšavańni. — Dla mnohich ludziej Rastvo Chrystova dapamahaje dałučacca da viečnych kaštoŭnaściej. Jano cudoŭnym čynam abjadnoŭvaje rodnych i blizkich u dobrych spravach vychavańnia maładoha pakaleńnia».
Alaksandr Łukašenka adznačyŭ, što kožny čałaviek mienavita ŭ siamji spaznaje ščaślivaje i niezabyŭnaje adčuvańnie ciapła i kłopatu, mienavita siamja vučyć pracavać, stvarać i z upeŭnienaściu hladzieć u budučyniu.
«Niachaj kaladnyja dni padorać vam śviatło vysokaj duchoŭnaści, pryniasuć dobry nastroj i pryjemnyja ŭspaminy. Niachaj sercy napaŭniajucca žyćciovaj siłaj. Niachaj dastatak i dabrabyt, davier i razumieńnie pasielacca ŭ kožnym domie», - pažadaŭ kiraŭnik Biełarusi.
Kamientary