Biełaruska Viktoryja Azaranka vyjšła ŭ čverćfinał tenisnaha turniru katehoryi «Premjer» u aŭstralijskim Brysbenie.
Siońnia ŭ pajadynku 3-ha koła biełaruska, jakaja zajmaje 22-je miesca ŭ suśvietnym rejtynhu, pieramahła bielhijku Isalin Banavienciur, u jakoj 170-ja pazicyja ŭ rejtynhu WTA — 6:3, 6:2.
U pieršym raŭndzie Viktoryja Azaranka pierajhrała rasijskuju tenisistku Alenu Vieśninu - 6:2, 6:0, a ŭ druhim pavinna była zhulać z druhoj rakietkaj płaniety rumynkaj Simonaj Chalep, ale taja nie zmahła vyjści na kort z-za traŭmy i źniałasia z turniru.
Ciapier u pajadynku za vychad u paŭfinał Azaranka sustreniecca ź italjankaj Rabiertaj Vinčy, jakaja znachodzicca na 15-m miescy ŭ suśvietnym rejtynhu.
Heta budzie ich čaćviortaja sustreča na turnirach pad ehidaj WTA, pryčym ŭsie papiarednija matčy vyjhrała biełaruska.
Turnir u Brysbenie zavieršycca 10 studzienia, paśla čaho viadučyja tenisisty praciahnuć padrychtoŭku da pieršaha ŭ siezonie turniru sieryi «Vialikaha šlema» - adkrytaha čempijanatu Aŭstralii, jaki projdzie ŭ Mielburnie z 18 pa 31 studzienia.
Viktoryja Azaranka vyjhravała Australian Open dvojčy zapar — u 2012-m i 2013 hadach. U minułym hodzie pieramohu atrymała najlepšaja tenisistka śvietu amierykanka Sierena Uiljams, a ŭ 2014 hodzie pa-za kankurencyjaj była kitajskaja tenisistka Na Li.
Vyjšaŭ na svabodu 76-hadovy Siamion Dobkin, brat zasnavalnika EPAM7
Vyjšaŭ na svabodu 76-hadovy Siamion Dobkin, brat zasnavalnika EPAM
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1414
Kamientary