Kiraŭnik Administracyi prezidenta Biełarusi: 2016 budzie składanym, nie ŭsiudy atrymlivajecca i z reziervam kadraŭ

«My praktyčna štomiesiac pravodzim sacyjałahičnyja apytańni, tamu viedajem ŭsie niedachopy, jakija časam uźnikajuć pa vinie kiraŭnikoŭ. My nie padarožničajem, suzirajučy, što adbyvajecca, a robim usio nieabchodnaje, kab likvidavać ich. Ale heta nie imhniennaja praca, a źniasilvajučaja praca, bo treba pamianiać i mientalitet, i psichałohiju ludziej, i vychavać asobu», — zajaviŭ kiraŭnik Administracyi prezidenta Biełarusi Alaksandr Kosiniec u intervju prahramie «Kontury» telekanała ANT.

Viadučy prahramy taksama zadaŭ Kosincu pytańnie pra kadry.

«U nas niama karysnych vykapniaŭ i tych bahaćciaŭ, jakija jość u śviecie. U nas samaje hałoŭnaje bahaćcie — čałaviek.

Tak, nie ŭsiudy atrymlivajecca i z reziervam kadraŭ, i z rostam. Heta składany praces — vyraścić sapraŭdnaha kiraŭnika.

U cełym, u nas dobra padrychtavanyja kadry, im prosta nieabchodna adaptavacca da sučasnych umoŭ, bačyć, što adbyvajecca ŭ ekanomicy, śviecie i, u kančatkovym vyniku, zaniać bolš aktyŭnuju, bajcoŭskuju pazicyju dla adstojvańnia intaresaŭ svajho pradpryjemstva abo ŭstanovy», — adkazaŭ kiraŭnik Administracyi.

Alaksandr Kosiniec taksama paŭtaryŭ słovy Łukašenki, što 2016 budzie składanym.

«2016 budzie składanym, bo horšajuć pracesy, źviazanyja ź mižnarodnym kanfliktami. Na płaniecie iduć vojny. Idzie dosyć intensiŭnaje supraćstajańnie roznych dziaržaŭ», — rastłumačyŭ jon.

Na jaho dumku, paśla razvału SSSR «pa sutnaści spravy, idzie Treciaja suśvietnaja vajna».

«Vykarystoŭvajučy roznyja mietady — i ekanamičnyja, i vajennyja — adstojvajuć mocnyja śvietu hetaha svaje intaresy, nie dumajučy pra małyja dziaržavy, pra ludziej. Adsiul i ŭciekačy, i hoład», — ličyć čynoŭnik.

U 2016 hodzie, pavodle słoŭ kiraŭnika Administracyi prezidenta, biełaruskim uładam varta zasiarodzicca na śfiery ekanomiki.

«My pavinny vielmi surjozna padtrymlivać mały i siaredni biźnies, bo jon moža akazać samy istotny ŭpłyŭ na raźvićcio našaj krainy. My budziem padtrymlivać inicyjatyvu i prahmatyčnaść našych ludziej, stvarać usie nieabchodnyja ŭmovy, kab jany damahalisia vyniku», — skazaŭ Kosiniec.

• 0
• 0
• 0
• 0
• 0
• 0
• 0
• 0