Ekśpiertna-žurnalisckaja hrupa Bellingcat, jakaja zajmajecca rasśledavańniami vajennaj tematyki pa adkrytych krynicach, zvuziła śpis datyčnych da krušeńnia rejsa MH17 na terytoryi Ukrainy ŭ lipieni 2014 h. da 20 rasijskich vajskoŭcaŭ. Pra heta ŭ intervju NOS raspavioŭ zasnavalnik Bellingcat Eliat Chihins.
ria.ru
Dakład, dzie ŭtrymlivajucca imiony i fatahrafii rasijskich vajskoŭcaŭ, jakija, na dumku hrupy, datyčnyja da krušeńnia MH17, dva tydni tamu byŭ pradstaŭleny hałandskaj prakuratury. Dakład ad jaje atrymaje śledčaja hrupa, jakaja zajmajecca pošukam vinavatych u krušeńni rejsa małajzijskich avijalinij.
Prakuror raspavioŭ, što atrymaŭ dadzienyja ad Bellingcat. Usia infarmacyja projdzie praz rasśledavalnuju hrupu i, u vypadku nieabchodnaści, budzie ŭklučana ŭ kryminalnaje rasśledavańnie.
NOS paviedamlaje, što Bellingcat pracuje z rasśledavalnaj hrupaj, kudy ŭvachodziać pradstaŭniki z Hałandyi, Bielhii, Małajzii, Ukrainy i Aŭstralii.
U minułym hodzie ŭdzielnikam Bellingcat udałosia ŭstanavić, što da krušeńnia MH17 datyčny 2-hi bataljon 53 zienitnaj bryhady z Kurska. Pad padazreńniem — Siarhiej M., kamandzir bryhady. Taksama zhadvajucca Dźmitryj T. i dzieviać lejtenantaŭ, jakija znachodzilisia ŭ «Buku» ŭ dzień krušeńnia samalota. U rasśledavańni havorycca i ab «vielmi daśviedčanych sałdatach», jakija ŭmiejuć kiravać ustanoŭkaj.
13 kastryčnika byŭ apublikavany tekst dakładu Mižnarodnaj kamisii ab krušeńni Boinha. U im havaryłasia, što rejs MH17 byŭ źbity rakietaj z «Buka» sieryi 9M38 z bajavoj častkaj 9M314M.
Katastrofa Boeing 777 adbyłasia 17 lipienia 2014 h. Samalot avijakampanii Malaysia Airlines lacieŭ z Amsterdama ŭ Kuała-Łumpur. Zahinuli 298 čałaviek - usie, chto znachodziŭsia na borcie.
Za kamientary i ŭdzieł u pratestach zatrymali brata palitviaźnia. Jon niadaŭna viarnuŭsia z Polščy2
Kamientary