Pavieł Duraŭ skazaŭ, što nie budzie vydavać rasijskim śpiecsłužbam dadzienyja na karystalnikaŭ Telegram-a
Zasnavalnik mesiendžera Telegram Pavieł Duraŭ zajaviŭ, što pahroza błakavańnia na «adnym abo dvuch rynkach» nie paŭpłyvaje na palityku pryvatnaści kampanii, pakolki dadatak papularny «siarod dziesiatkaŭ miljonaŭ karystalnikaŭ na dziasiatkach rynkaŭ».
Pa słovach Durova, Telegram nie budzie vydavać trecim bakam asabistyja dadzienyja karystalnikaŭ i klučy šyfravańnia. Dostup rasiejskich pravaachoŭnych orhanaŭ da asabistaj pierapiski, na jaho dumku, moža pryvieści da źjaŭleńnia «čornaha rynku asabistych dadzienych».
Ab mahčymym zakryćci Telegram-a ŭ vypadku admovy vydać uładam klučy šyfravańnia raniej zajaviŭ biźniesmen Hierman Klimienka, pryznačany daradcam prezidenta RF pa pytańniach raźvićcia internetu. U intervju «Doždiu» jon skazaŭ, što Telegram «u lubym vypadku paprosiać adkryć dostup i kody ŭ Amierycy, i ŭ Francyi, i ŭ vypadku admovy jon budzie začynieny».
KDB vypadkova vydaŭ dvuch supracoŭnikaŭ, adkaznych za stvareńnie śpisa «terarystaŭ»22
Kamientary