«MTS» maje namier pakryć ustojlivaj 3G-suviaźziu sielskuju miascovaść

Mabilny apieratar «MTS» atrymaŭ rašeńnie Dziaržaŭnaj kamisii pa radyjočastotach ab vykarystańni standarta UMTS-900 i zmoža razharnuć novuju 3G-sietku ŭ dyjapazonie 900 MHc, kab pakryć ustojlivaj suviaźziu 3G sielskuju miascovaść i ciažkadastupnyja pamiaškańni.Za vydzialeńnie nazvanych častot mabilny apieratar zapłacić dziaržavie 8,7 młn. jeŭra.

Technałohija UMTS-900 dazvalaje najbolš efiektyŭna i chutka vyrašać pytańni pakryćcia suviaźziu 3G sielskaj miascovaści, a taksama haradoŭ sa ščylnaj zabudovaj. Heta mahčyma za košt nizkaj častaty sihnału — jana zabiaśpiečvaje bolšy radyus pakryćcia i lepšaje praniknieńnie ŭnutr budynkaŭ.

U «MTS» pryznajuć, što pytańnie jakasnaha 3G u biełaruskaj sielskaj miascovaści siońnia staić asabliva vostra, uličvajučy, što popyt na chutkasny mabilny internet raście nie tolki ŭ haradach, ale i ŭ nievialikich nasielenych punktach. Z dapamohaj standarta UMTS-900 možna vyrašyć hetaje pytańnie i apieratyŭna davieści terytoryju pakryćcia 3G da ŭzroŭniu 2G (na siońnia heta 98% terytoryi Biełarusi), zabiaśpiečyŭšy mabilnym internetam treciaha pakaleńnia ŭsiu krainu, u tym liku miescy ź nievysokaj ščylnaściu nasielnictva.

Jak tłumačać śpiecyjalisty, abstalavańnie standarta UMTS-900 maje značna bolšy radyus dziejańnia ŭ paraŭnańni z bazavymi stancyjami 3G, jakija pracujuć u dyjapazonie 2.100 MHc. Pieravod isnujučych bazavych stancyj na rabotu ŭ UMTS-900 dazvalaje pakryvać upeŭnienaj 3G-suviaźziu nie tolki vioski i pasiołki, ale i aŭtamabilnyja trasy, chutary, sielskahaspadarčyja abjekty i h.d. Akramia hetaha, sihnał moža lepš raspaŭsiudžvacca praź lasy i inšyja typy pryrodnaha łandšaftu ŭ suviazi ź mienšym zatuchańniem.

Jašče adna surjoznaja pieravaha UMTS-900 — efiektyŭnaje praniknieńnie sihnału ŭnutr budynkaŭ, abumoŭlenaje nizkaj častatoj. Heta asabliva važna dla haradoŭ, dzie prachodžańniu radyjochval pieraškadžaje ščylnaja i vysokaja zabudova. Pieranastrojka dziejnych bazavych stancyj na UMTS-900 palapšaje pakryćcio 3G nie tolki na haradskich vulicach, ale i va ŭsich pamiaškańniach, uklučajučy ciažkadastupnyja.

Siońnia 3G-sietka «MTS», jakaja pracuje ŭ dyjapazonie 2.100 MHc, achoplivaje 100% haradskoha nasielnictva Biełarusi. Na svajoj sietcy «MTS» vykarystoŭvaje technałohiju DC-HSDPA.

• 0
• 0
• 0
• 0
• 0
• 0
• 0
• 0