Alaksandr Łukašenka 21 śniežnia padpisaŭ rasparadžeńnie № 211rp ab pryznačeńni stypiendyj prezidenta Respubliki Biełaruś talenavitym maładym navukoŭcam na 2016 hod.
U pryvatnaści, pavodle infarmacyi pres-słužby prezidenta, stypiendyi pryznačanyja 92 maładym navukoŭcam, u tym liku piaci daktaram navuk va ŭzroście da 45 hadoŭ, 52 kandydatam navuk va ŭzroście da 35 hadoŭ i 35 maładym navukoŭcam biez stupieni va ŭzroście da 30 hadoŭ. U ich liku pradstaŭniki fizika-matematyčnych, techničnych, chimičnych, bijałahičnych, miedycynskich, ahrarnych, ekanamičnych, jurydyčnych, hieołaha-minierałahičnych, sacyjalnych i humanitarnych navuk.
Paviedamlajecca, što stypiendyjaty atrymali značnyja vyniki pa pryjarytetnych kirunkach fundamientalnych i prykładnych daśledavańniaŭ, jakija majuć navukovaje i praktyčnaje značeńnie. Ich navukovyja dasiahnieńni vykarystoŭvajucca ŭ dziejnaści pramysłovych pradpryjemstvaŭ, arhanizacyj roznych halin ekanomiki i ŭstanoŭ sacyjalnaj śfiery Biełarusi. Navizna šmatlikich raspracovak paćvierdžana patentami na vynachodstvy i publikacyjami ŭ viadučych ajčynnych i zamiežnych navukovych časopisach, adznačajuć u pres-słužbie prezidenta.
HUBAZiKu zabaranili publikavać «pakajalnyja videa». Ciapier jany vystaŭlajuć «pakajalnyja aŭdyja»1
HUBAZiKu zabaranili publikavać «pakajalnyja videa». Ciapier jany vystaŭlajuć «pakajalnyja aŭdyja»
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1919
Kamientary