life:) aficyjna abviaściŭ pra sychod hiendyrektara. Novy budzie pryznačany 17 śniežnia
Infarmacyja ab sychodzie hienieralnaha dyrektara Iśmieta Jazydžy z pasady hienieralnaha dyrektara life:) siońnia aficyjna paćvierdziłasia.
U svaim pres-relizie turecki apieratar paviedamlaje, što Iśmiet Jazydžy pierachodzić na pasadu hienieralnaha dyrektara ŭ kampaniju KKtcell (sotavy apieratar u Paŭnočnym Kipry) i pakidaje life:).
Iśmiet Jazydžy prapracavaŭ u life:) 4 hady — z 2011 pa 2015. Ministr suviazi i infarmatyzacyi Biełarusi Siarhiej Papkoŭ vykazaŭ Iśmietu Jazydžy padziaku za praviedzienuju pracu: «Dziakuj za dobruju pracu, za vialiki ŭkład u raźvićcio kampanii». Sam zvolnieny hiendyrektar adznačyŭ: «Ja vielmi palubiŭ hetuju krainu, ja pravioŭ tut vydatnyja čatyry hady. Za hety čas life:) staŭ dla mianie sapraŭdnaj siamjoj».
17 śniežnia 2015 hoda adbudziecca rada dyrektaraŭ kampanii, pa vynikach jakoj budzie pryniata rašeńnie ab abrańni novaha kiraŭnika apieratara. Da hetaha momantu v.a. hiendyrektara ZAT «BieST» pryznačanaja Dzina Cybulskaja.
Kamientary