Pa vynikach zapłanavanaj na hetym tydni sustrečy Alaksandra Łukašenki i Uładzimira Pucina čakajecca padpisańnie mižnarodnych dakumientaŭ, paviedamlaje pres-słužba kiraŭnika biełaruskaj dziaržavy.

Pavodle infarmacyi pres-słužby, Łukašenka z aficyjnym vizitam naviedaje Rasijskuju Fiederacyju 25—26 listapada. 

U Maskvie adbudziecca sustreča Łukašenki z prezidentam Rasii Uładzimiram Pucinym u vuzkim, a zatym pašyranym składzie. Pa jaje vynikach čakajecca padpisańnie mižnarodnych dakumientaŭ. 

Prahramaj vizitu kiraŭnika biełaruskaj dziaržavy zapłanavany taksama sustrečy sa staršynioj urada Rasijskaj Fiederacyi Dźmitryjem Miadźviedzievym, staršynioj Savieta Fiederacyi Fiederalnaha schodu Valancinaj Maćvijenka i staršynioj Dziaržaŭnaj dumy Fiederalnaha schodu Siarhiejem Naryškinym. 

Łukašenka ŭskładzie taksama vianok da mahiły Nieviadomaha sałdata. 

Jak paviedamlałasia raniej, svoj pieršy paśla prezidenckich vybaraŭ aficyjny vizit Alaksandr Łukašenka maje namier zrabić u Rasiju pa zaprašeńni Uładzimira Pucina. Čakajecca, što sustreča prezidentaŭ adbudziecca 26 listapada. Viadoma taksama, što biełaruski kiraŭnik u liku inšych vysokapastaŭlenych asob zaprošany na ŭračystaje adkryćcio «Jelcyn Centra», jakoje adbudziecca ŭ Jekacierynburhu 25 listapada. 

Majučy adbycca vizit abmiarkoŭvaŭsia 16 listapada padčas sustrečy Łukašenki z nadzvyčajnym i paŭnamocnym pasłom Rasii ŭ Biełarusi Alaksandram Surykavym. Łukašenka zajaviŭ, što «hatovy da surjoznaj razmovy na temu biełaruska-rasijskich adnosin». 

U svaju čarhu pamočnik rasijskaha prezidenta Juryj Ušakoŭ u kancy minułaha tydnia zajaviŭ, što adnoj z tem sustrečy Pucina i Łukašenki stanie stvareńnie rasijskaj avijabazy ŭ Biełarusi. Vidavočna, što heta tema jašče nie da kanca zakrytaja, padkreśliŭ Ušakoŭ. 

Alaksandr Łukašenka ŭ apošnija miesiacy nie adnojčy zakranaŭ hetu temu, štoraz padkreślivajučy, što rasijskaja avijabaza ŭ Biełarusi nie patrebnaja.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?