Zvarot Rady TBM.

Pavažanyja hramadzianie Respubliki Biełaruś!

Z 24 krasavika 2008 hoda ŭstupaje ŭ moc Ukaz Prezidenta Respubliki Biełaruś № 533, u adpaviednaści ź jakim pamier arendnaj płaty dla bolšaści hramadskich niedziaržaŭnych arhanizacyj, jakija nie zajmajucca kamiercyjnaj dziejnaściu, niepamierna pavyšajecca. Hety Ukaz zakranie i TBM. Tak, naprykład, tolki za pamiaškańnie, jakoje zajmaje TBM pa vuł. Rumiancava, 13 u Minsku, treba budzie płacić 846,5 jeŭra u miesiac.

Takim čynam, u našaj krainie moža spynić svaju dziejnaść bolš za 1000 hramadskich arhanizacyj, što stvarajuć siońniašniuju hramadzianskuju supolnaść. Z hetaj nahody my źviartajemsia da vas, šanoŭnyja prychilniki rodnaj, matčynaj movy z prośbaju ab dapamozie.

Pieršaje — heta achviaravańni. Kali 5000 čałaviek achviaruje na dziejnaść TBM tysiaču rubloŭ kožny miesiac, to my možam isnavać i ŭ hetych umovach. Naš rachunak: № 3015212330014 u Hardyrekcyi AAT Bielinviestbanka, kod 764.

Druhoje, vielmi prosim vas nakiroŭvać u orhany dziaržaŭnaj ułady listy z patrabavańniem zachavać panižalny kaeficyjent 0,1 za 1 kv. m. na apłatu arendy za pamiaškańnie dla ŭsich niedziaržaŭnych i niekamiercyjnych hramadskich arhanizacyj, jakija dziejničajuć na absiahu našaj krainy.

Pryniata na pasiadžeńni Rady TBM 16,03.2008 h.

Клас
0
Панылы сорам
0
Ха-ха
0
Ого
0
Сумна
0
Абуральна
0