Ilustracyja z sajtu Radyjo Svaboda
Ivonka Surviła. Daroha. Stoŭpcy — Kapenhahien — Paryž — Madryd — Atava — Miensk (Biblijateka Svabody. XXI stahodździe). Radyjo Svabodnaja Eŭropa / Radyjo Svaboda, 2008. — 144 s.: ił.

Uspaminy pra doŭhuju darohu ź Biełarusi, a potym i viartańnie na Biełarusi. Šlach na emihracyju dla siamji Šymancoŭ — vośmy staršynia Rady BNR — naradziłasia ŭ siamji Ŭładzimiera i Evieliny Šymancoŭ — byŭ adrozny ad šlachu inšych vyhnancaŭ 1944 h.

Šymancy nie žyli ŭ pavajennaj Niamiečyńnie, jany try hady prabyli ŭ Danii, dzie U. Šymaniec zasnavaŭ biełaruskaje zhurtavańnie, u 1948 h. vyjechali ŭ Francyju, miž inšym na zaprašeńnie prezydenta Mikoły Abramčyka. U 1959 h. Ivonka Šymaniec uziała šlub ź Jankam Surviłam i pierajechała da muža ŭ Madryd. Tut jana ciaham šaści z pałovaj hadoŭ dapamahała jamu rabić štodzionnyja biełaruskija pieradačy na Nacyjanalnym radyjo.

U 1969 h. Surviły pierajechali ŭ Kanadu, dzie pačaŭsia novy etap žyćcia, jaki ŭklučyŭ u siabie i pracu ŭ Etnakulturnaj radzie, i staršynstva ŭ Radzie BNR, a ad kanca 1980‑ch dapamohu dzietkam — achviaram Čarnobylskaj trahiedyi.

Memuary ci nie adzinyja ź viadomych nam uspaminaŭ kiraŭnikoŭ BNR. Biezumoŭna, jość uspaminy Jazepa Sažyča, ale jany ŭ niekalki razoŭ mienšyja pa abjomie i nia vyciahnuli na asobnuju knihu. Ni Mikoła Abramčyk, ni Vincent Žuk-Hryškievič uspaminaŭ nie pakinuli. Aproč taho, heta ci nia pieršyja ŭspaminy pra biełaruskaje žyćcio ŭ Danii, Francyi, Hišpanii.

Kniha dobra ilustravana.

Prezentacyja ŭspaminaŭ Ivonki Surviły adbudziecca ŭ paniadziełak 17 sakavika na ŭpravie BNF. Pačatak a 18‑j

Клас
0
Панылы сорам
0
Ха-ха
0
Ого
0
Сумна
0
Абуральна
0