Ciopłaje nadvorje zachavajecca ŭ Biełarusi da siaredziny nastupnaha tydnia, paviedamiła načalnik siektara karotkaterminovych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Ludmiła Paraščuk.
U piatnicu, 28 žniŭnia, umovy nadvorja na terytoryi Biełarusi budzie ŭ asnoŭnym vyznačać vobłaść pavyšanaha atmaśfiernaha cisku, udzień u paŭnočna-zachodnich rajonach adčujecca ŭpłyŭ atmaśfiernaha frontu. Istotnych apadkaŭ u bolšaści rajonaŭ nie čakajecca, udzień pa paŭnočnym zachadzie krainy projduć karotkačasovyja daždžy. Tempieratura pavietra nočču plus 11-17 hradusaŭ, miescami ad 8 da 10 ciapła, udzień budzie 27-33 vyšej za nul, u paŭnočna-zachodnich rajonach - ad plus 24 da 26.
U subotu, 29 žniŭnia, nadvorje ŭ krainie budzie farmiravać vobłaść pavyšanaha cisku, na paŭnočnym uschodzie zachavajecca ŭpłyŭ atmaśfiernaha frontu. Nočču i ranicaj miescami pa paŭnočnym uschodzie buduć nievialikija karotkačasovyja daždžy. Udzień istotnych apadkaŭ nie čakajecca. Tempieratura pavietra nočču plus 10-17, pa paŭdniovym uschodzie da 19 ciapła, udzień budzie ad 20 da 27 vyšej za nul.
U niadzielu, 30 žniŭnia, nadvorje ŭ krainie budzie vyznačać antycykłon, jaki pieramiaščajecca z Zachodniaj Jeŭropy. Apadkaŭ nie čakajecca. Tempieratura pavietra nočču 7-14 ciapła, dniom - ad plus 20 da 27 hradusaŭ, pa paŭdniovym zachadzie da 30 ciapła.
«U pačatku nastupnaha tydnia nadvorje ŭ Biełarusi abumoviać małaaktyŭnyja atmaśfiernyja franty. U asobnych rajonach projduć karotkačasovyja daždžy», - raskazała Ludmiła Paraščuk.
U paniadziełak, 31 žniŭnia, tempieratura pavietra nočču plus 10-17 hradusaŭ, udzień - ad 20 da 27 ciapła, pa paŭdniovym zachadzie - da plus 32.
U aŭtorak, 1 vieraśnia, budzie takaja ž tempieratura.
U sieradu, 2 vieraśnia, atmaśfierny front, jaki prachodzić z Zachodniaj Jeŭropy, znoŭ budzie vyznačać miescami pa respublicy karotkačasovyja daždžy. Uśled za frontam čakajecca pastupleńnie bolš chaładnavatych pavietranych mas z Bałtyki, tamu tempieraturny fon pačnie źnižacca: tempieratura nočču ad 8 da 15 ciapła, udzień - plus 18-25.
Kamientary