Ukraina damoviłasia z pryvatnymi kredytorami ab śpisańni 20% doŭhu ad ahulnaj sumy ŭ bolš čym 19 młrd dalaraŭ, zajaviŭ premjer-ministr krainy Arsień Jacaniuk.
«Čakańni našymi vorahami defołt nie adbudziecca. Ukraina dasiahnuła pahadnieńnia ab restrukturyzacyi i častkovym śpisańni daŭhoŭ», — skazaŭ Jacaniuk.
Jak patłumačyŭ premjer, kredytory śpišuć kala 4 młrd dalaraŭ daŭhoŭ, košt kredytaŭ nie budzie pavyšacca na praciahu ŭsiaho terminu pahašeńnia, a samo pahašeńnie budzie adkładziena da 2019 hoda.
Raniej Kijeŭ prapanoŭvaŭ kredytoram nie tolki adterminavać vypłaty, ale i śpisać istotnuju častku doŭhu, da 40-50% ad jaho ahulnaj sumy.
Kredytory ž zajaŭlali, što zhodnyja na adterminoŭku vypłat i źnižeńnie płaciažoŭ pa kuponach, ale vystupili suprać śpisańnia častki asnoŭnaj sumy doŭhu. Paśla kredytory pahadzilisia na śpisańnie 5% doŭhu.
Ministr finansaŭ Ukrainy Natalla Jareśko, adkaznaja za pieramovy z kredytorami, nazvała dasiahnutaje pahadnieńnie ab restrukturyzacyi «najbolš vyhadnym z mahčymych».
Pry hetym Ukraina paprasiła Rasiju pahadzicca na tyja ž ŭmovy pahašeńnia doŭhu, što i inšyja kredytory.
Sudziać hiendyrektara BiełAZa. Pahražaje da 15 hadoŭ9
Kamientary