U Biełarusi adkryta novaje radovišča nafty. Ab hetym paviedamiŭ siońnia ministr pryrodnych resursaŭ i achovy navakolnaha asiarodździa Andrej Kaŭchuta ŭ čas pres-kanfierencyi, prymierkavanaj da 55-hodździa ŭtvareńnia sistemy achovy navakolnaha asiarodździa ŭ Biełarusi.

«U Biełarusi adkryta čarhovaje radovišča i niemałoje. Ciapier aceńvajucca jaho zapasy. Heta Šaciłkaŭskaje radovišča, jakoje raźmieščana ŭ Prypiackim prahinie», - rastłumačyŭ jon.

Ministr pryrodnych resursaŭ i achovy navakolnaha asiarodździa padkreśliŭ, što śpiecyjalisty viedamstva ciapier skancentravali namahańni na daśledavańni nietraŭ. «My viadziom aktyŭnuju rabotu z «Biełarusnaftaj», a ciapier jašče i pačynajem pracavać nad pryciahnieńniem da raspracoŭki naftavych radoviščaŭ i inšych kampanij, u tym liku kampanij suśvietnaha ŭzroŭniu», - adznačyŭ jon.

Andrej Kaŭchuta nahadaŭ, što ciapier u Biełarusi zdabyvajecca 1,6 młn t nafty ŭ hod.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?