Miedyki papiaredžvajuć pra niebiaśpieku niedasmažanych šašłykoŭ
Sanitarna-epidemijałahičnaja słužba Minska aceńvaje situacyju pa zachvorvańni vostrymi kišačnymi i enteravirusnymi infiekcyjami ŭ stalicy jak «stabilnuju i charakternuju dla hetaha pieryjadu».
«Hrupavych vypadkaŭ nie zarehistravana, adnak siezonny ŭzdym zachvorvańnia nie vyklučajecca: ciopłaje nadvor`ie stvaraje spryjalnyja ŭmovy dla žyćciadziejnaści mikraarhanizmaŭ», — paviedamlaje sansłužba.
Pry hetym miedyki nahadvajuć, što infiekcyja moža pieradavacca charčovym, kantaktna-bytavym i vodnym šlacham — praz zabrudžanyja bakteryjami i virusami pradukty charčavańnia, vadu, navakolnaje asiarodździe.
Pavodle danych epidemijołahaŭ, u apošnija tydni najbolej častaj pryčynaj raźvićcia vostrych kišačnych infiekcyj ź`iaŭlałasia ŭžyvańnie niedastatkova prasmažanych šašłykoŭ, skorapsavalnych praduktaŭ, jakija zachoŭvalisia biez chaładzilnika, a taksama vady z adkrytych krynic.
Da infiekcyi moža taksama pryvieści ŭžyvańnie niamytaj ci drenna vymytaj aharodniny i sadaviny, parušeńnie ŭmoŭ zachoŭvańnia skorapsavalnych praduktaŭ, nievykanańnie technałohii padrychtoŭki miasnych praduktaŭ, užyvańnie syrych ci drenna pryhatavanych jajek, a taksama ŭžyvańnie małočnych, rybnych, miasnych praduktaŭ, nabytych u miescach niesankcyjanavanaha handlu.
Maleńkija dzieci mohuć zarazicca taksama pry zahłynańni vady padčas kupańnia ŭ vadajomach.
Vyjšaŭ na svabodu 76-hadovy Siamion Dobkin, brat zasnavalnika EPAM7
Kamientary