«Ukrabaronpram» źbirajecca zaprasić zachodniaha top-mieniedžara
«Kancern abraŭ šlach raźvićcia — jeŭrapiejskija rynki i supracoŭnictva z NATA — i stroha prytrymlivajecca hetaj stratehii. Dla hetaha my majem patrebu ŭ efiektyŭnym mieniedžary z paśpiachovym vopytam raboty niepasredna ŭ kampanijach zachodniaj farmacyi», — zajaviŭ kiraŭnik «Ukrabaronprama» Raman Ramanaŭ, paviedamlaje pres-słužba kancerna.
Pavodle jaho słoŭ, novy mieniedžar pavinien ŭkaraniać jeŭrapiejskija praktyki ŭ kiravańnie kancernam, spryjać pierachodu pradpryjemstvaŭ da vytvorčaści pa standartach NATA i pašyreńniu pramysłovaj kaapieracyi z zachodnimi partniorami.
«Ciapier našy pradpryjemstvy vyjšli na novy ŭzrovień vytvorčaści. Z hetym uźnikajuć kardynalna novyja mahčymaści i kardynalna novyja vykliki. Tamu ŭzmacnieńnie kiraŭnictva — heta krok, adekvatny patrabavańniam času», — zajaviŭ Ramanaŭ.
Udzielnikami dziaržkancerna «Ukrabaronpram» źjaŭlajucca 137 ukrainskich pradpryjemstvaŭ, uklučajučy dziaržkampaniju «Ukrśpiecekspart» i jaje daččynyja pradpryjemstvy. 23 pradpryjemstvy dziaržkancerna apynulisia na akupavanaj terytoryi ŭ Krymie i na Danbasie.
Va Ukrainie zahinuŭ biełaruski dobraachvotnik Haz4
Kamientary