Čechija ŭzhadvaje 47-ju hadavinu ŭviadzieńnia vojskaŭ u Prahu, što vyklikała abureńnie rasijskich turystaŭ FOTY
U piatnicu Čechija ŭspaminaje 47-ju hadavinu ŭvarvańnia vojskaŭ krainaŭ Varšaŭskaj damovy ŭ Čechasłavaččynu ŭ 1968 hodzie.
U centry Prahi ŭstalavali niekalki adzinak vajskovaj techniki, jakaja musiła nahadvać pra padziei 1968 hodu. Pobač z mašynami — stendy z fotazdymkami i płakatami «Ruskija, viartajciesia dadomu».
Jak adznačajuć karystalniki sacyjalnych sietak, płakaty vyklikali abureńnie rasijskich turystaŭ.
«Na adnym sa stendaŭ chtości asadkaj napisaŭ: «Nie hanicie na ruskich! Ruskija za mir. Dobraje zabylisia. Pamiatajecie tolki drennaje??»
U 11 hadzinaŭ dnia palityki i hramadzkaść ŭšanavali pamiać achviar tych padziej kala budynka Českaha radyjo, dzie ŭ žniŭni 1968 hoda zahinuli niekalki niaŭzbrojenych demanstrantaŭ.
U druhoj pałovie dnia na Vacłaŭskaj płoščy prajšoŭ muzyčny chepeninh z udziełam roznych muzykaŭ, a ludzi zmahli taksama pahladzieć histaryčnyja fatahrafii taho času.
Vojska piaci krain Varšaŭskaj damovy pierasiekli dziaržaŭnyja miežy Čechasłavakii ŭ noč na 21 žniŭnia 1968 hoda. Tym samym była hvałtoŭna spynienaja sproba refarmacyi ŭ hetaj krainie.
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary