63-hadovaja žycharka Krymska ŭ Krasnadarskim krai siem hadoŭ ličyłasia pamierłaj, i tolki zaraz praz prakuraturu dakazała, što žyvaja, nasupierak śćviardžeńniam orhanaŭ unutranych spraŭ i ZAHS.
Krymskaja mižrajonnaja prakuratura praviała pravierku pa skarzie žančyny, vyniki jakoj apublikavanyja na sajcie nahladnaha viedamstva.
Krymski ZAHS ŭ vieraśni 2007 hoda na padstavie milicejskaha pratakołu ahladu nieapaznanaha trupa zarehistravaŭ śmierć «zajaŭnicy, z ukazańniem prozvišča, imia, imia pa baćku i daty jaje naradžeńnia».
Žančyna, imia jakoj nie paviedamlajecca, nieadnarazova źviartałasia da słužbovych asob z patrabavańniem pierahledzieć takoje rašeńnie, ale tyja biaździejničali. Na piśmovyja zvaroty jana atrymlivała adkaz, što vyklučeńnie ich aktaŭ zapisu pra śmierć mahčyma tolki pa rašeńni suda.
Z žniŭnia 2014 joj pierastali vypłačvać piensiju pa staraści.
Jak paviedamlaje prakuratura, paśla jaje ŭmiašańnia zapis akta rehistracyi śmierci žančyny byŭ anulavany, pravy zajaŭnicy adnoŭlenyja i praviedzieny pieraraźlik piensii.
Vinavatych supracoŭnikaŭ ZAHS prakuratura prapanavała pryciahnuć da dyscyplinarnaj adkaznaści. Palicyja, tym časam, zaniałasia vyśviatleńniem asoby trupa, znojdzienaha siem hadoŭ tamu.
Kamientary