27 lipienia, kali, darečy, była pryniataja Dekłaracyja ab dziaržaŭnym suvierenitecie Biełarusi ź bieł-čyrvona-biełym ściaham i «Pahoniaj», kramu symbal.by naviedaŭ učastkovy milicyjant. Jon cikaviŭsia jak raz bieł-čyrvona-biełym ściaham.
«Mužčyna byŭ u cyvilnym, skazaŭ, što miascovy ŭčastkovy. Jon paviedamiŭ, što ŭ Maładziečna na futbolnym stadyjonie zatrymali chłopca z bčb-ściaham, jaki ŭ tłumačeńniach raspavioŭ, što nabyŭ jaho na symbal.by, — kaža Pavieł Biełavus, uładalnik kramy. — U zadaču ŭčastkovaha ŭvachodziła pravieści pravierku: chto pradaŭ zabaronienuju simvoliku. Ab tym, što jana «zabaronienaja», było napisana ŭ jaho papierach. Ja jamu daŭ tłumačeńnie, što ściahi my pradajem aficyjna, jany pašytyja ŭ Biełarusi, pa nakładnych, i pradajucca praź internet-kramu, jakaja ŭniesienaja ŭ handlovy rejestr Biełarusi. Pazicyjanujem ściah jak histaryčnuju simvoliku sa statusam — dziaržaŭny ściah RB z 1991 pa 1995 hod. I što nijakich dakumientaŭ, jakija jaho zabaraniajuć ci pryraŭnoŭvajuć da zabaronienaha – niama».
Učastkovy skłaŭ tłumačeńnie i syšoŭ. Ale Biełavus vyrašyŭ nie pakidać hetaje pytańnie biez adkazu.
«U nas jość ideja skłaści zapyty ŭ MUS, Akademiju navuk, miniust, kab jany aficyjna patłumačyli svajo staŭleńnie da bčb-ściaha. Zabaronieny jon usio ž ci nie? Bo na pieradvybarčych pikietach, mitynhach, jakija dazvalaje ŭłada, ściahi nikomu nie pieraškadžajuć, ale časam uspłyvajuć vypadki, kali ŭ asobnaha čałavieka ściah mohuć čamuści kanfiskavać. Treba ŭžo vyznačycca – kali zabaraniajecie, dyk prymajcie adpaviedny zakon. Kali nie – dyk nie treba čaplacca da ściaha, jaki mnohija ludzi ličać svajoj nacyjanalnaj kaštoŭnaściu», — miarkuje Pavieł.
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj34
Kamientary