Bring Me The Horizon za paŭhoda ŭhavaryli vystupić u minskim Pałacy sportu
Brytancy pryviazuć novy albom «That's the Spirit».
Brytanskija alternatyŭščyki Bring Me The Horizon pradstaviać albom «That's the Spirit» 6 śniežnia ŭ Pałacy sportu. Kvitki kaštujuć ad 600 tysiač na tancplacoŭku, ad 900 u fan-zonu, ad 400 da 900 na siektary. Jany ŭžo źjavilisia ŭ prodažy ŭ internecie i afłajn-kasach.
Novy albom hurtu, što vyjdzie 11 vieraśnia, maje ŭsie šancy stać chitovym: klip na pieršy samotnik ź jaho, «Throne», za niekalki dzion na Youtube prahladzieli bolš za 2 młn raz.
Arhanizatary kancerta paviedamili, što pieramovy z Bring Me The Horizon doŭžylisia paŭhoda, ale jany vielmi chacieli pryvieźci ŭ Biełaruś hurt, što ličycca «fłahmanam sučasnaj alternatyŭnaj rok-muzyki». Heta atrymałasia: brytancy daduć kancert u Biełarusi adrazu paśla sieryi vystupaŭ na najbujniejšych festach Jeŭropy i ZŠA.
***
Bring Me The Horizon zasnavanyja ŭ 2003 hodzie ŭ Šefiłdzie (Vialikabrytanija). Na siońnia vydali 4 studyjnych albomy, rychtujuć piaty. Spałučajuć u muzycy detkor, mietałkor, alternatyŭny, elektronny rok i post-rok. Nieadnarazova atrymlivali premii Kerrang!: jak najlepšyja brytanskija navički, najlepšy žyvy hurt i najlepšy brytanski hurt, za najlepšy albom i najlepšy klip.
Kamientary