Pavodle hramadcka-palityčnych pohladaŭ ludzi dzielacca na try katehoryi.

Pieršaja — bolšaść. Adny ź ich bieź lišniaj saramlivaści tak i zajaŭlajuć śvietu — «ja z bolšaściu», «ja jak usie», «usie tak dumajuć» i hetak dalej. Inšyja pradstaŭniki hetaj katehoryi, naadvarot, lubiać dakazvać, što jany majuć vyklučna svaje dumki,— jakija adnak, całkam vypadkova dziŭnym čynam na sto pracentaŭ supadajuć ź mierkavańniem bolšaści ŭ dadzienaj krainie, supolnaści, terytoryi, u dadzieny kankretny histaryčny čas. Kali pad upłyvam niejkich tendencyjaŭ ci revalucyjnych padziejaŭ situacyja mianiajecca – pradstaŭniki našaj katehoryi mianiajucca ŭśled za realijami (zvyčajna ź nievialikim spaźnieńniem).

Druhaja katehoryja – heta antybolšaść. Heta ludzi, jakija zrazumieli, što kaštoŭnaści bolšaści — heta adstoj, i tamu jany va ŭsim im supiarečać. Jany prosta mianiajuć plus na minus, i takim čynam farmujuć svaje pohlady. Usio toje, što dobra dla bolšaści – dla ich kiepska, svabody vybaru tut taksama niama, bo vybar robicca za ich. Kali ichnija pohlady raptam pieramahajuć i stanoviacca zdabytkam bolšaści, to niaredka jany stanoviacca ŭ apazicyju da svaich ža pohladaŭ, bo — «nievynosna ž być zhodnym z tupoj bolšaściu».

I jość treciaja katehoryja ludziej — jakija zaŭsiody robiać vysnovy sami. Jany razumiejuć, što niama viečnych i nieabvieržnych iścin, što nie byvaje apryjory pravilnych rašeńniaŭ. Što niemahčyma prosta prykłaści da žyćcia samyja najlepšyja i vysokija idei, bo kožnaja kankretnaja situacyja patrabuje asobnaha asensavańnia i asobnaha padychodu. Što samyja pravilnyja i śviatyja iściny mohuć nie pracavać u kankretnaj krainie ci histaryčnaj situacyi. Što časam daloka nie tolki samy pramy šlach viadzie da pieramohi. Što žyćcio poŭnaje paradoksaŭ — časam varta časova abmiežavać svabody, kab dabicca bolšaj svabody. Što časam, kab dapamahčy čałavieku ci krainie — jamu nie treba dapamahać. A samyja dobryja namiery tolki paharšajuć stanovišča.

Dla pieršaj i druhoj katehoryi, jakija žyvuć łozunhami i viečnymi iścinami — heta zanadta składana.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?